ஜெயம் ரவியின் 'போகன்' ரிலீஸ் எப்போது?
- IndiaGlitz, [Wednesday,September 28 2016]
பிரபல நடிகர் ஜெயம் ரவி, கடந்த ஆண்டு நான்கு வெற்றி படங்களில் நடித்த நிலையில் இந்த ஆண்டு அவர் நடித்த 'மிருதன்' படம் மட்டுமே வெளியாகியுள்ளது. இந்நிலையில் அவர் நடித்து வரும் 'போகன்' திரைப்படம் வரும் டிசம்பரில் வெளியாகும் என்று செய்தி வெளியாகியுள்ளது.
பிரபுதேவா, தமன்னா, நடித்த 'தேவி' படத்தின் இசை வெளியீட்டில் நேற்று கலந்து கொண்ட பிரபுதேவா, ஜெயம் ரவியின் 'போகன்' டிசம்பரில் வெளியாகும் என்று அறிவித்துள்ளார். இவர்தான் இந்த படத்தின் தயாரிப்பாளர் என்பது குறிப்பிடத்தக்கது.
மேலும் 'போகன்' படத்தை சமீபத்தில் தான் பார்த்ததாகவும், 'தனி ஒருவன்' படத்திற்கு பின்னர் ஜெயம் ரவிக்கு இந்த படம் பெரிய வெற்றியை கொடுக்கும் படமாக அமையும் என்றும் அவர் கூறியுள்ளார்.
ஜெயம் ரவி, அரவிந்தசாமி, வி.டி.வி.கணேஷ், ஆடுகளம் நரேன், அஸ்வின் உள்ளிட்ட பலர் நடித்து வரும் இந்த படத்திற்கு டி.இமான் இசையமைக்கின்றார். தாமரை, மதன்கார்க்கி, ரோகேஷ் இந்த படத்தின் பாடல்களை எழுதியுள்ளனர். பிரபு தேவா ஸ்டுடியோஸ் நிறுவனம் இந்த படத்தை தயாரித்து வரும் இந்த படத்தை 'ரோமியோ ஜூலியட்' லக்ஷமண் இயக்கியுள்ளார்.