ஜெயம் ரவியின் 32 வது திரைப்படத்தின் டைட்டில் போஸ்டர் இன்று காலை வெளியானது என்பதும் இந்த படம் வேல்ஸ் பிலிம்ஸ் இண்டர்நேஷனல் நிறுவனத்தின் 25 வது படம் என்ற அறிவிப்பு வெளியானது என்பதையும் பார்த்தோம்.

இந்த நிலையில் இந்த படத்தில் ஏற்கனவே கல்யாணி பிரியதர்ஷன் மற்றும் கீர்த்தி ஷெட்டி ஆகிய இரண்டு நாயகிகள் நடிக்க இருப்பதாக கூறப்பட்ட நிலையில் மூன்றாவது நாயகி யாராக இருக்கும் என்ற சஸ்பென்ஸ் இருந்தது.

இந்த நிலையில் இன்று இந்த படத்தின் பூஜை நடைபெற்ற நிலையில் அந்த மூன்றாவது நாயகி என்பது தெரிய வந்துள்ளது. கல்யாணி பிரியதர்ஷன், கீர்த்தி ஷெட்டி ஆகியோர்களுடன் பாலிவுட் நடிகை வாமிகா கபி இன்றைய பூஜையில் கலந்து கொண்டார். இதனை அடுத்து இவர் தான் மூன்றாவது நாயகி என்பது உறுதி செய்யப்பட்டுள்ளது.

நடிகை வாமிகா கபி பல இந்தி மற்றும் பஞ்சாபி படங்களில் நடித்துள்ளார் என்பதும் செல்வராகவனின் மனைவி கீதாஞ்சலி இயக்கத்தில் உருவான ’மாலை நேரத்து மயக்கம்’ என்ற தமிழ் திரைப்படத்தில் நாயகியாக நடித்திருந்தார் என்பது குறிப்பிடப்பட்டது

ஆஸ்கர் நாயகன் ஏஆர் ரஹ்மான் இசையில் மகேஷ் முத்துசெல்வன் ஒளிப்பதிவில் பிரதீப் ராகவ் படத்தொகுப்பில் உருவாகும் இந்த படத்தை அர்ஜுனன் என்பவர் இயக்க உள்ளார். தமிழ், தெலுங்கு, ஹிந்தி, மலையாளம் மற்றும் கன்னடம் என ஐந்து மொழிகளில் இந்த படம் உருவாக உள்ளது.