சமீபத்தில் வெளியான 'மிருதன்' திரைப்படம் சூப்பர் ஹிட் ஆனதை அடுத்து இந்த படத்தின் இயக்குனர் சக்தி செளந்தர்ராஜனுடன் மீண்டும் ஜெயம் ரவி இணையவுள்ளார் என்ற செய்தியை ஏற்கனவே பார்த்தோம். இந்நிலையில் 'ரோமியோ ஜூலியட்' இயக்குனர் லக்ஷ்மண் இயக்கத்தில் ஜெயம் ரவி நடிக்கவுள்ள படத்தின் ஆரம்பகட்ட பணிகள் தொடங்கிவிட்டது.

'தனி ஒருவன்' படத்தை அடுத்து மீண்டும் போலீஸ் வேடத்தில் ஜெயம் ரவி நடிக்கவுள்ள இந்த படத்தில் அவருக்கு ஜோடியாக ஹன்சிகா நடிக்கவுள்ளார். மேலும் 'தனி ஒருவன்' வில்லன் அரவிந்தசாமியும் இந்த படத்தில் ஒரு முக்கிய கேரக்டரை ஏற்றுள்ளார் என்று கூறப்படுகிறது.

இந்நிலையில் விஜய் நடித்த 'துப்பாக்கி' மற்றும் அஜித் நடித்த 'ஆரம்பம்' ஆகிய படங்களில் நடித்த நடிகை அக்ஷரா கெளடா இந்த படத்தில் இரண்டாவது நாயகியாக நடிக்க ஒப்பந்தமாகியுள்ளதாக தகவல்கள் வெளிவந்துள்ளது.

'போகன்' என்ற தலைப்பு வைக்கப்பட்டுள்ளதாக கூறப்படும் அதிரடி ஆக்சன் படமான இந்த படத்தின் படப்பிடிப்பு சென்னை மற்றும் புதுச்சேரியில் விரைவில் நடைபெறவுள்ளது.