சுந்தர் சியின் மெகா பட்ஜெட் திரைப்படத்தின் டைட்டில் அறிவிப்பு
- IndiaGlitz, [Wednesday,December 28 2016]
கோலிவுட் திரையுலகில் '2.0', 'பாகுபலி 2' படங்களுக்கு நிகராக பிரமாண்டமான பட்ஜெட்டில் ஸ்ரீதேனாண்டாள் பிலிம்ஸ் நிறுவனம் ஒரு திரைப்படத்தை தயாரிக்கவுள்ளதாகவும், இந்த படத்தை சுந்தர் சி இயக்கவுள்ளதாகவும் வெளிவந்த செய்தியினை ஏற்கனவே பார்த்தோம்.
இந்நிலையில் இந்த படத்தின் டைட்டில் தற்போது அதிகாரபூர்வமாக அறிவிக்கப்பட்டுள்ளது. நாம் அனைவரும் எதிர்பார்த்தபடியே 'சங்கமித்ரா' என்பதுதான் இந்த படத்தின் டைட்டில் என்பது குறிப்பிடத்தக்கது.
ஜெயம் ரவி, ஆர்யா ஆகியோர் முக்கிய வேடத்தில் நடிக்கவுள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவுள்ளார். மற்ற நடிகர், நடிகைகள் மற்றும் தொழில்நுட்ப கலைஞர்கள் குறித்த அறிவிப்பை படிப்படியாக அறிவிக்கப்படும் என்று கூறப்படுகிறது.