ஜெயம் ரவி மற்றும் நித்யா மேனன் நடிப்பில், கிருத்திகா உதயநிதி இயக்கத்தில் உருவாகியுள்ள "காதலிக்க நேரமில்லை" என்ற திரைப்படம் ஜனவரி 14ஆம் தேதி வெளியாக உள்ளது.

இந்த படத்தின் இறுதிக்கட்ட புரமோஷன் பணிகள் விறுவிறுப்பாக நடைபெற்று வரும் நிலையில், இந்த படத்தின் சென்சார் மற்றும் ரன்னிங் டைம் தொடர்பான தகவல் வெளியாகியுள்ளது.

இந்த படத்தை பார்த்த சென்சார் அதிகாரிகள் யு/ஏ சான்றிதழ் வழங்கியுள்ளதாகவும், படத்தின் ரன்னிங் டைம் 142 நிமிடங்கள், அதாவது 2 மணி நேரம் 22 நிமிடங்கள் எனவும் தகவல் வெளியாகியுள்ளது.

ஒரு ரொமான்ஸ் படத்திற்கு தேவையான மிகச் சரியான ரன்னிங் டைம் என்பதால், இந்த படம் நிச்சயம் வெற்றி பெறும் என்று எதிர்பார்க்கப்படுகிறது. ஏற்கனவே இந்த படத்தின் டீசர் மற்றும் ட்ரைலர் வெளியாகி, ரசிகர்களிடையே நல்ல வரவேற்பை பெற்றுள்ள நிலையில், ட்ரைலரில் இருந்து இந்த படத்தின் கதை முற்றிலும் வித்தியாசமாக இருக்கும் என்று எதிர்பார்க்கப்படுகிறது.

கிருத்திகா உதயநிதியின் இயக்கம், ஏ.ஆர். ரஹ்மானின் இசை, ஜெயம் ரவி, நித்யா மேனனின் நடிப்பு ஆகியவை இந்த படத்தின் முக்கிய ஹைலைட்களாக இருக்கும் என்று கூறப்படுகிறது.