நீங்க 12 கொலை பண்ணியிருக்கிங்க.. அதுவும் சின்னப் பொண்ணுங்க.. 'இறைவன்' டிரைலர்..!
- IndiaGlitz, [Sunday,September 03 2023]
ஜெயம் ரவி, நயன்தாரா நடித்த ‘இறைவன்’ திரைப்படத்தின் டிரைலர் சற்றுமுன் வெளியாகி உள்ள நிலையில் இந்த ட்ரெய்லரின் ஆரம்பத்திலேயே ’நீங்க 12 கொலை பண்ணி இருக்கீங்க, அதுவும் சின்ன பிள்ளைங்க என்ற வசனம் திடுக்கிட வைக்கிறது.
கிரிமினல்ஸ் மிருகமா மாறி தப்பு பண்ணும் போது, ஆண்டவன் பார்த்துக் கொள்வான் என்று விட்டு போற அளவுக்கு எனக்கு பொறுமை இல்லை.. என்ற ஜெயம் ரவி பேசும் வசனம் அவரது கேரக்டரை ஓரளவு புரிந்து கொள்ள வைக்கிறது. என் 32 வருட சர்வீஸ்ல இப்படி ஒரு கில்லரை நான் பார்த்ததே இல்லை என உயர் போலீஸ் அதிகாரி கூறும் வசனம் இந்த ட்ரெய்லரில் கவனம் பெறுகிறது
மொத்தத்தில் ‘இறைவன்’ படத்தின் இரண்டு நிமிட ட்ரெய்லர் இது ஒரு திகில் மற்றும் சஸ்பென்ஸ் படம் என்பதை உறுதி செய்துள்ளது. ஜெயம் ரவி ஜோடியாக நயன்தாரா நடித்துள்ள இந்த படத்தில் ராகுல் போஸ் வில்லனாக நடித்துள்ளார். மேலும் ஆஷிஷ் வித்யார்த்தி, நரேன், விஜயலட்சுமி உள்பட பலர் இந்த படத்தில் நடித்துள்ளனர்.
‘என்றென்றும் காதல்’ ’மனிதன்’ போன்ற படங்களை இயக்கிய அகமது இயக்கத்தில் உருவாகிய இந்த படத்திற்கு யுவன் சங்கர் ராஜா இசை அமைத்துள்ளார். இந்த படம் வரும் செப்டம்பர் 28ஆம் தேதி திரையரங்குகளில் வெளியாக உள்ளது என்பது குறிப்பிடத்தக்கது.