ஜெயம் ரவி - நயன்தாராவின் 'இறைவன்': ஓடிடி ரிலீஸ் தேதி அறிவிப்பு..!
- IndiaGlitz, [Tuesday,October 24 2023]
ஜெயம் ரவி மற்றும் நயன்தாரா நடித்த ‘இறைவன்’ என்ற திரைப்படம் கடந்த செப்டம்பர் 28ஆம் தேதி திரையரங்குகளில் வெளியான நிலையில் இந்த படம் எதிர்பார்த்த வெற்றியை பெறவில்லை
இந்த நிலையில் திரையரங்குகளில் வெளியாகி எதிர்பார்த்த வெற்றி பெறாத ‘இறைவன்’ திரைப்படம் தற்போது ஓடிடியில் ரிலீஸ் ஆக இருப்பதாக அறிவிக்கப்பட்டுள்ளது. இந்த படம் அக்டோபர் 26ஆம் தேதி அதாவது நாளை மறுநாள் நெட்பிளிக்ஸ் ஓடிடியில் வெளியாகும் என அதிகாரபூர்வமாக அறிவிக்கப்பட்டுள்ளது.
தமிழ், தெலுங்கு, மலையாளம், கன்னடம் மற்றும் இந்தி ஆகிய ஐந்து மொழிகளில் வெளியாக இருப்பதாக புதிய போஸ்டர் உடன் கூடிய அறிவிப்பை நெட்ப்ளிக்ஸ் நிறுவனம் வெளியிட்டுள்ளது. திரையரங்குகளில் ரசிகர்கள் மனதை கவறாத இந்த படம் ஓடிடியில் வரவேற்பை பெறுமா? என்பதை பொறுத்திருந்து பார்ப்போம்.
ஜெயம் ரவி, நயன்தாரா, ராகுல் போஸ், ஆஷிஷ் வித்யார்த்தி, நரேன், உள்பட பலர் நடிப்பில் உருவான இந்த படத்தை அகமது இயக்கியுள்ளார். ஹரி வேதாந்த் ஒளிப்பதிவில் மணிகண்ட பாலாஜி படத்தொகுப்பில் உருவாகி உள்ள இந்த படத்திற்கு யுவன் ஷங்கர் ராஜா இசையமைத்துள்ளார்.
Jayam Ravi and Nayanthara are back together on screen and we couldn't be more excited! ✨#Iraivan streams on 26th October in Tamil, Telugu, Malayalam, Kannada & Hindi on Netflix!#IraivanOnNetflix pic.twitter.com/FXuSKdmrPH
— Netflix India South (@Netflix_INSouth) October 24, 2023