நடிகர் ஜெயம் ரவியின் அடுத்த திரைப்படத்தை வேல்ஸ் பிலிம்ஸ் இன்டர்நேஷனல் நிறுவனம் தயாரிக்க இருப்பதாகவும் இந்த படத்தை மிஷ்கின் உதவியாளர் புவனேஷ் அர்ஜுனன் என்பவர் இயக்க இருப்பதாகவும் வெளியான செய்தியை ஏற்கனவே பார்த்தோம்.

ஜெயம் ரவியின் 32 வது படமாக உருவாக இருக்கும் இந்த படத்தின் ஆரம்பகட்ட பணிகள் தற்போது நடைபெற்று வருவதாகவும் விரைவில் இந்த படத்தின் டைட்டில் போஸ்டர் வெளியாகும் என்றும் கூறப்படுகிறது.

மேலும் பட குழுவினர்களிடமிருந்து கசிந்த தகவலின்படி இந்த படத்திற்கு ’ஜெனி’ என்ற டைட்டில் வைக்கப்பட்டு இருப்பதாகவும் மேலும் இந்த படத்தில் நாயகியாக நடிக்க பிரபல தெலுங்கு நடிகை கீர்த்தி ஷெட்டியுடன் பேச்சுவார்த்தை நடைபெற்று வருவதாகவும் கூறப்படுகிறது.

நடிகர் ஜெயம் ரவி நடிப்பில் உருவான ’பொன்னியின் செல்வன் 2’ திரைப்படம் இம்மாதம் வெளியாக இருக்கும் நிலையில் அகமது இயக்கத்தில் உருவான ’’இறைவன்’’ எம். ராஜேஷ் இயக்கத்தில் உருவான திரைப்படம் மற்றும் அந்தோணி பாக்யராஜ் இயக்கத்தில் உருவான ’சைரன்’ ஆகிய படங்களும் இந்த ஆண்டு வெளியாக உள்ளது என்பது குறிப்பிடத்தக்கது.