ஜெயலலிதா சிகிச்சை வீடியோ குறித்து தினகரன் முக்கிய அறிவிப்பு
- IndiaGlitz, [Saturday,November 11 2017]
முன்னாள் முதல்வர் ஜெயலலிதா சென்னை அப்பல்லோ மருத்துவமனையில் சிகிச்சை பெற்றபோது சசிகலாவால் எடுக்கப்பட்ட வீடியோ உரிய நேரத்தில் தேவைப்பட்டால் வெளியிடப்படும் என சசிகலாவின் உறவினர்கள் சிலர் அவ்வப்போது கூறி வந்தனர்.
இந்த நிலையில் இந்த வீடியோ ஜெயலலிதா மரணம் குறித்து விசாரணை செய்து வரும் விசாரணை ஆணையத்திடம் தரப்படும் என்று டிடிவி தினகரன் சற்றுமுன்னர் அறிவித்துள்ளார்.
ஆனால் இந்த வீடியோவை வெளியிடக்கூடாது என்ற நிபந்தனையுடன் விசாரணை ஆணையத்தில் ஒப்படைக்கப்படும் என்றும் அவர் மேலும் தெரிவித்தார்.
மேலும் வருமான வரி சோதனையில் ஆவணங்கள் எதுவும் கைப்பற்றவில்லை என்றும் எங்களிடம் பாதாள அறை எதுவும் இல்லை என்று கூறிய டிடிவி தினகரன் 3 மணி நேரத்தில் முடிக்க வேண்டிய சோதனை 3 நாட்களாக நீட்டித்து வருவதாக தெரிவித்தார்