நடிகர் பார்த்திபனுக்கு முதல்வர் ஜெயலலிதா கடிதம்
- IndiaGlitz, [Wednesday,June 29 2016]
சமீபத்தில் நடைபெற்ற சட்டமன்ற தேர்தலில் தமிழக முதல்வர் ஜெயலலிதா தலைமையிலான அதிமுக கூட்டணி வெற்றி பெற்று மீண்டும் ஆட்சி பொறுப்பை ஏற்றது. முதல்வருக்கு திரையுலகை சேர்ந்த பலர் வாழ்த்து தெரிவித்த நிலையில் நடிகரும் இயக்குனருமான பார்த்திபனும் வாழ்த்துக்கடிதம் அனுப்பியிருந்தார்.
இந்நிலையில் பார்த்திபனின் வாழ்த்து கடிதத்திற்கு முதல்வர் ஜெயலலிதா தற்போது நன்றி கடிதம் அனுப்பியுள்ளார். அதில் அவர் கூறியிருப்பதாவது:
அன்பார்ந்த திரு.பார்த்திபன் அவர்களுக்கு,
அண்மையில் நடந்து முடிந்த தமிழ்நாடு சட்டப் பேரவை தேர்தல் 2016-ல் எனது தலைமையில் அனைத்திந்திய அண்ணா திராவிட முன்னேற்ற கழகம் அமோக வெற்றி பெற்றமைக்கு என்னை பாராட்டி தாங்கள் அனுப்பிய வாழ்த்துக் கடிதத்திற்கு எனது மனமார்ந்த நன்றியைத் தெரிவித்துக் கொள்கிறேன்.
தமிழ்நாட்டின் வளர்ச்சிக்காகவும், முன்னேற்றத்திற்காகவும் நான் தொடர்ந்து மேற்கொண்டு வரும் முயற்சிகளுக்கு ஊக்கம் அளித்திடும் தங்களின் பாராட்டுதலுக்கு எனது நன்றி'
இந்த கடிதம் குறித்து பார்த்திபன் தனது சமூக வலைத்தளத்தில் கூறியதாவது: கபால்-ன்னு ஒரு மகிழ்ச்சி தபால் கண்டதும். குழந்தை கடத்தல் தடுக்கப்பட்ட என்ற நற்செய்தியும் வரும் என்பது நம்பிக்கை' என்று தெரிவித்துள்ளார். நடிகர் பார்த்திபன் தொடர்ந்து குழந்தை கடத்தலுக்கு எதிராக குரல் கொடுத்து வருகிறார் என்பது குறிப்பிடத்தக்கது.