close
Choose your channels

"தீபாவைக் காணவில்லை"- ஜெ. உறவினர் அதிர்ச்சி புகார்

Wednesday, December 14, 2016 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

மறைந்த முன்னாள் முதல்வர் ஜெயலலிதாவின் அண்ணன் மகள் தீபா ஜெயகுமாரைக் காணவில்லை என்று அவரது உறவினர் அம்ருதா குற்றம்சாட்டியுள்ளார்.

ஜெயலலிதாவின் சகோதரி ஷைலஜாவின் மகள் அம்ருதா. இவர் பெங்களூருவில் வசிக்கிறார். இன்று பெங்களூரு ஊடகங்களுக்கு அவர் அளித்துள்ள பேட்டியில் தனது மாமாவின் மகள் தீபாவை சென்னையில் உள்ள அவரது வீட்டில் சந்திக்க திட்டமிட்டிருந்ததாகவும் ஆனால் கடந்த திங்கட்கிழமையிலிருந்து தீபாவின் வீடு பூட்டி இருப்பதாகவும் தீபாவை தொலைபேசியிலும் தொடர்புகொள்ள முடியவில்லை என்றும் கூறியுள்ளார்.

ஜெயலலிதாவின் நெருங்கிய தோழியும் அதிமுக பொதுச் செயலாளர் பதவிக்கு கட்சியின் அமைச்சர்கள், எம்எல்ஏக்கள், எம்பிக்கள் பரிந்துரைக்கப்படுபவருமான சசிகலாவை, தீபா கடுமையாக விமர்சித்துவந்தார். இந்நிலையில் சசிகலாவை எதிர்த்ததால் தனது உறவினர் தீபாவின் பாதுகாப்புக்கு அச்சுறுத்தல் ஏற்பட்டிருப்பதாக அம்ருதா கூறியுள்ளார்.

ஜெயலலிதா அப்போலோ மருத்துவமனையில் அனுமதிக்கப்பட்டிருந்தபோது அவரைக் காண வந்த தீபா, மருத்துவமனைக்குள் அனுமதிக்கப்படவில்லை. இதேபோல் தானும் அப்போலோ மருத்துவமனைக்கு வந்ததாகவும் ஆனால் தன்னையும் ஜெயலலிதாவைப் பார்க்க அனுமதிக்கவில்லை என்று இப்போது கூறியுள்ளார்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Welcome to IndiaGlitz comments! Please keep conversations courteous and relevant to the topic. To ensure productive and respectful discussions, you may see comments from our Community Managers, marked with an "IndiaGlitz Staff" label. For more details, refer to our community guidelines.
settings
Login to post comment
Cancel
Comment