மறைந்த முதல்வர் ஜெயலலிதாவுக்கு இசட் பிளஸ் பாதுகாப்பு, கருப்பு பூனை பாதுகாப்பு இருந்த போதிலும் அவருக்கு மிகவும் நம்பிக்கையான ஒரு பாதுகாவலர் என்றால் அவர் அப்பு என்று செல்லமாக அழைக்கப்படும் பாதுகாவலர் தான்.

ஜெயலலிதா எந்த பிரயாணத்தை மேற்கொண்டாலும் கிளம்புவதற்கு முன் அவர் கேட்கும் முதல் வார்த்தை 'அப்பு வந்துவிட்டாரா? என்பதுதான். அந்த அளவுக்கு முதல்வரின் பிரதான பாதுகாவலராக இருந்த அப்பு, கிலோ மீட்டர் கணக்கில் அவரது காரில் தொங்கிக்கொண்டு செல்லும் பிராதன பாதுகாவலர். இவர் தமிழக காவல் துறையைச் சேர்ந்த ஆய்வாளர் என்பது குறிப்பிடத்தக்கது.

முதல்வராக இருந்தபோது ஜெயலலிதா கலந்து கொள்ளும் நிகழ்ச்சி மேடை வருவதற்கு ஒரு கிலோ மீட்டர் வருவதற்கு முன்பே காரில் இருந்து இறங்கி, வண்டிக்கு இணையாக ஓடி வந்து வழியை ஏற்படுத்தி கொடுப்பார். அந்த அளவுக்கு முதல்வரை ஒவ்வொரு நிகழ்ச்சிக்கும் பாதுகாப்பாக அழைத்துக் கொண்டு சென்ற அப்பு, முதல்வரின் இறுதிப்பயணத்தின்போதும் கவலை தோய்ந்த முகத்துடன் கலந்து கொண்டார். முதல்வருடன் அன்னியோன்யமாக இருந்த அப்பு இனி யாருக்காக ஓடுவார்?