முன்னாள் முதல்வர் ஜெயலலிதாவின் வாழ்க்கை வரலாறு திரைப்படத்தை உருவாக்க கோலிவுட் திரையுலகில் பலர் முயற்சித்து வந்த நிலையில் தற்போது இயக்குனர் விஜய், இந்த படத்தை இயக்கவுள்ளதாக அறிவிக்கப்பட்டுள்ளது. இவர் அஜித் நடித்த 'கிரீடம்', விஜய் நடித்த 'தலைவா' உள்பட பல திரைப்படங்களை இயக்கியவர் என்பது குறிப்ப்பிடத்தக்கது.

தமிழ், தெலுங்கு மற்றும் இந்தி என மூன்று மொழிகளில் உருவாகும் இந்த படத்தை வைப்ரி மீடியா என்ற நிறுவனம் தயாரிக்கவுள்ளது. இதே நிறுவனம் தான் ஆந்திர மாநில முன்னாள் முதல்வர் என்.டி.ராமராவ் அவர்களின் வாழ்க்கை வரலாறு திரைப்படத்தை தயாரித்து வருகிறது என்பது குறிப்பிடத்தக்கது.

ஜெயலலிதாவின் திரையுலக மற்றும் அரசியல் வாழ்க்கை குறித்த இந்த படத்தின் திரைக்கதையை இயக்குனர் விஜய் எழுத ஆரம்பித்துவிட்டதாகவும், ஸ்கிரிப்ட் முடிந்தபின்னர் ஜெயலலிதா கேரக்டரில் நடிக்கும் நடிகையின் தேர்வு நடைபெறும் என்றும் கூறப்படுகிறது. ஏற்கனவே ஜெயலலிதா கேரக்டரில் நடிக்க த்ரிஷா உள்பட ஒருசில முன்னணி நடிகைகள் ஆர்வம் காட்டியுள்ளனர் என்பது குறிப்பிடத்தக்கது.