ரஜினியின் பகுதி நேர அரசியல் குறித்து அமைச்சர் ஜெயகுமார் கிண்டல்
- IndiaGlitz, [Wednesday,March 14 2018]
அரசியல் குறித்த கேள்விகளுக்கும் மத்திய மாநில அரசுகளின் நடவடிக்கைகள் குறித்த கேள்விகளுக்கும் ரஜினிகாந்த் பதில் அளிப்பதில்லை என்ற விமர்சனங்கள் தொடர்ந்து வைக்கப்பட்டு வருகிறது. இதற்கு நேற்று பதிலளித்த ரஜினிகாந்த், 'தான் இன்னும் முழுநேர அரசியல்வாதியாக மாறவில்லை என்றும், அதனால்தான் அரசியல் குறித்த கேள்விகளுக்கு தான் பதிலளிக்கவில்லை என்றும் விளக்கமளித்தார்
இந்த நிலையில் ரஜினியின் பகுதிநேர, முழுநேர அரசியல் குறித்து இன்று செய்தியாளர்கள் அமைச்சர் ஜெயகுமாரிடம் கேட்டபோது, அவர் 'பகுதி நேர அரசியல்வாதியாக இருக்கும் ரஜினி விரைவில் அரசியல் ஊழியராக மாறுவார்' என்று கிண்டலாக கூறியுள்ளார்.
ரஜினி ஒரு விஷயம் குறித்து கருத்து கூறினாலும் சரி, கருத்து கூறாமல் சென்றாலும் சரி, அதுதான் ஊடகங்களின் தலைப்பு செய்தியாக மாறுகிறது. பகுதி நேர அரசியல்வாதியாக ரஜினி இருக்கும்போதே அவர் ஊடகங்களிலும், சமூக வலைத்தளங்களிலும் டிரெண்டில் உள்ளதாகவும், அவர் முழுநேரம் அரசியலுக்கு வந்தபின்னர் பலர் காணாமல் போய்விடுவார்கள் என்றும் ரஜினியின் ஆதரவாளர்கள் சமூக வலைத்தளங்களில் கருத்து தெரிவித்து வருகின்றனர்.