ముద్దుల హీరోతో జయదేవ్ హీరోయిన్
- IndiaGlitz, [Thursday,August 24 2017]
16 ఏళ్ల క్రితం విడుద‌లై మంచి విజ‌యం సాధించిన హిందీ చిత్రం క‌భీ ఖుషి క‌భీ ఘ‌మ్‌. అమితాబ్ బ‌చ్చ‌న్‌, షారుఖ్ ఖాన్‌, హృతిక్ రోష‌న్‌, జ‌యా బ‌చ్చ‌న్‌, కాజోల్‌, క‌రీనా క‌పూర్ వంటి హేమాహేమీలు న‌టించిన సినిమా ఇది. ఇందులో చిన్న‌ప్ప‌టి క‌రీనా పాత్ర‌లో న‌టించి మంచి మార్కులు కొట్టేసింది మాళ‌వికా రాజ్‌. క‌ట్ చేస్తే.. 16 ఏళ్ల త‌రువాత హీరోయిన్‌గా ఎంట్రీ ఇచ్చింది మాళ‌వికా.. అది కూడా ఓ తెలుగు చిత్రంతో కావ‌డం విశేషం.
ఒక‌ప్ప‌టి స‌క్సెస్ ఫుల్ డైరెక్ట‌ర్ జ‌యంత్ సి.ప‌రాన్జీ ద‌ర్శ‌క‌త్వంలో రూపొందిన జయదేవ్ చిత్రంతో మాళ‌వికా క‌థానాయిక‌గా ప‌రిచ‌యం అయింది. ఘంటా ర‌వి హీరోగా న‌టించిన ఈ సినిమా బాక్సాఫీస్ వ‌ద్ద బోల్తా కొట్టింది. అయిన‌ప్ప‌టికీ మాళవికకి ఓ మంచి అవ‌కాశం దొరికిందిప్పుడు. బాలీవుడ్‌లో ముద్దుల హీరోగా పేరు తెచ్చుకున్న ఇమ్రాన్ హ‌ష్మీ హీరోగా టోనీ డిసౌజా ద‌ర్శ‌క‌త్వంలో రూపొందుతున్న కెప్టెన్ న‌వాబ్‌లో మాళ‌వికా హీరోయిన్‌గా ఎంపికైంది. వార్ డ్రామాగా రూపొందుతున్న ఈ చిత్రమైనా మాళవికకి బ్రేక్ ఇస్తుందేమో