கொல்கத்தாவில் மருத்துவக் கல்லூரி மாணவி பாலியல் பலாத்காரம் செய்யப்பட்டு கொலை செய்யப்பட்ட சம்பவத்தை குறிப்பிட்டுள்ள ‘ஜவான்’ பட நடிகை பெண்களுக்கு இந்த நாட்டில் சுதந்திரம் இல்லை என்று கூறி இருப்பது பரபரப்பை ஏற்படுத்தி உள்ளது.

‘ஜவான்’ படத்தில் ஷாருக்கானின் வளர்ப்பு தாய் கேரக்டரில் நடித்த நடிகை ரிதி தோக்ரா உளவியல் படித்துள்ளார். பாலிவுட் தொலைக்காட்சி தொடர்கள் இணைய தொடர்களில் நடித்து சில திரைப்படங்களிலும் நடித்துள்ளார். மேலும் இவர் முன்னாள் நிதி அமைச்சர் அருண் ஜெட்லியின் உறவினர் என்பது குறிப்பிடத்தக்கது.

இந்த நிலையில் கொல்கத்தாவில் அரசு மருத்துவக் கல்லூரியில் கடந்த சில நாட்களுக்கு முன் டாக்டருக்கு படித்து கொண்டிருந்த மாணவி ஒருவர் பாலியல் பலாத்காரம் செய்யப்பட்டு கொலை செய்த சம்பவம் சம்பவம் நாட்டையே அதிர வைத்துள்ளது. தற்போது இந்த வழக்கை சிபிஐ ஏற்று நடத்தி வருகிறது .

இந்த சம்பவம் குறித்து நடிகை ரிதி தோக்ரா தனது இன்ஸ்டாகிராம் பக்கத்தில் ’பாலியல் வன்கொடுமை என்பது தேசிய பிரச்சனையாகாத வரை பெண்களுக்கு இந்த நாட்டில் சுதந்திரம் இல்லை’ என பதிவு செய்துள்ளார். அவரது இந்த பதிவுக்கு ஆதரவும் எதிர்ப்பும் மாறி மாறி கிடைத்து வருகிறது என்பது குறிப்பிடத்தக்கது.

View this post on Instagram

A post shared by Ridhi Dogra (@iridhidogra)