அனிருத் குரலில் ஒரு மெலடி டூயட் பாடல்.. வெளியானது 'ஜவான்' சிங்கிள்..!
- IndiaGlitz, [Monday,August 14 2023]
பாலிவுட் சூப்பர் ஸ்டார் ஷாருக்கான், லேடி சூப்பர் ஸ்டார் நயன்தாரா நடித்த ’ஜவான்’ திரைப்படம் வரும் செப்டம்பர் 7ஆம் தேதி உலகம் முழுவதும் பிரம்மாண்டமாக வெளியாக உள்ளது. இந்த நிலையில் இந்த படத்தின் சிங்கிள் பாடல் சற்றுமுன் வெளியாகி இணையத்தில் வைரல் ஆகி வருகிறது.
அட்லி இயக்கத்தில் ஷாருக்கான், நயன்தாரா, விஜய் சேதுபதி, தீபிகா படுகோன் நடிப்பில் உருவான படம் ’ஜவான்’. இந்த படத்தின் படப்பிடிப்பு முடிவடைந்து தற்போது தொழில்நுட்ப பணிகள் நடைபெற்று வருகிறது என்பதும் இந்த படம் உலகம் முழுவதும் தமிழ், தெலுங்கு, ஹிந்தி ஆகிய மூன்று மொழிகளில் வெளியாக உள்ளது என்பதும் குறிப்பிடத்தக்கது.
இந்த நிலையில் சற்று முன்னர் இந்த படத்தின் சிங்கிள் பாடல் வெளியாகியுள்ள நிலையில் ’ஹயோடா’ என்ற அந்த பாடல் தற்போது இணையத்தில் வைரல் ஆகி வருகிறது. இந்த பாடலை அனிருத் கம்போஸ் செய்துள்ள நிலையில் இந்த பாடலை அனிருத் மற்றும் பிரியா மாலி பாடியுள்ளனர். விவேக் இந்த பாடலை எழுதியுள்ளார்.
இந்த பாடல் மெலடி பாடல் ஆக இருப்பதால் முதல்முறை கேட்கும் போது அசத்தலாக உள்ளது என ரசிகர்கள் கருத்து தெரிவித்து வருகின்றனர். இந்த பாடல் நிச்சயம் படத்திலும் ஹிட் ஆகும் என்று எதிர்பார்க்கப்படுகிறது.