పిల్లా నువ్వు లేని జీవితం, సుబ్ర‌మ‌ణ్యం ఫ‌ర్ సేల్‌, సుప్రీమ్ చిత్రాల‌తో స‌క్సెస్‌ఫుల్ హీరో అనిపించుకున్న సాయిధ‌ర‌మ్ తేజ్‌కి.. తిక్క‌, విన్న‌ర్‌, న‌క్ష‌త్రం రూపంలో వ‌రుస‌గా ప‌రాజ‌యాలు ప‌ల‌క‌రించాయి.

ప్ర‌స్తుతం ఆయ‌న న‌టిస్తున్న చిత్రం జ‌వాన్‌. 'వాంటెడ్' ఫేమ్ బివీఎస్ ర‌వి దీనికి ద‌ర్శ‌క‌త్వం వ‌హిస్తున్నాడు. కృష్ణ‌గాడి వీర ప్రేమ‌గాథ‌, మ‌హానుభావుడు, రాజా ది గ్రేట్ చిత్రాల‌తో హ్యాట్రిక్ విజ‌యాల‌ను అందుకున్న మెహ‌రీన్ ఇందులో హీరోయిన్‌గా న‌టించింది. థ‌మ‌న్ సంగీత‌మందించిన ఈ చిత్రానికి దిల్ రాజు స‌మ‌ర్ప‌కుడిగా వ్య‌వ‌హ‌రిస్తున్నాడు.

ఇదిలా ఉంటే.. సెప్టెంబ‌ర్ 1న విడుద‌ల కావాల్సిన ఈ సినిమా ప‌లు కార‌ణాల వ‌ల్ల విడుద‌ల విష‌యంలో వాయిదాలు ప‌డుతూనే ఉంది. తాజాగా వినిపిస్తున్న క‌థానాల ప్ర‌కారం ఈ సినిమా డిసెంబ‌ర్‌లో విడుద‌లయ్యే అవ‌కాశం ఉంద‌ని తెలిసింది.

మ‌రి ఈ వార్త‌ల్లో ఏ మేర‌కు నిజ‌ముందో త్వ‌ర‌లోనే తెలుస్తుంది. కాగా, సాయిధ‌ర‌మ్ తేజ్ పుట్టిన రోజు సంద‌ర్భంగా విడుద‌ల చేసిన జ‌వాన్ టైటిల్ సాంగ్‌కి మంచి రెస్పాన్స్ వ‌స్తోంది.