தளபதி விஜய்யின் மகன் ஜேசன் சஞ்சய் ஒரு திரைப்படத்தை இயக்க இருக்கிறார் என்பதும் இந்த படத்தை லைகா நிறுவனம் தயாரிக்க இருப்பதாகவும் இது குறித்த ஒப்பந்தம் கையெழுத்தானதாக அதிகாரப்பூர்வ தகவல் வெளியானது என்பதை பார்த்தோம்.

இந்நிலையில் ஜேசன் சஞ்சய் இயக்கும் திரைப்படத்தில் விஜய் சேதுபதி ஹீரோவாக நடிக்க வாய்ப்பு இருப்பதாக கூறப்பட்டாலும் கவின் உட்பட மேலும் சிலரிடம் அவர் பேச்சுவார்த்தை நடத்தி வருவதாக கூறப்பட்டது.

இந்த நிலையில் இந்த படத்தின் அறிவிப்பு வெளிவந்து சில மாதங்கள் ஆன பின்னரும் எந்தவித அப்டேட்டும் இல்லாமல் இருக்கும் நிலையில் தற்போது வந்துள்ள தகவல்படி இந்த படத்தின் சூப்பர் அப்டேட் ஒன்று பொங்கல் தினத்தில் வெளியாக இருப்பதாக தகவல் வெளியாகியுள்ளது.

லைகா மற்றும் ஜேசன் சஞ்சய் இணையும் திரைப்படத்தில் நடிக்கும் ஹீரோ உள்பட நட்சத்திரங்கள் மற்றும் தொழில்நுட்ப கலைஞர்களின் அறிவிப்பு பொங்கல் தினத்தில் வெளியாகும் என்றும் அதனை அடுத்து ஒரு சில வாரங்களில் இந்த படத்தின் படப்பிடிப்பு தொடங்கும் என்றும் கூறப்படுகிறது.

தளபதி விஜய்யின் மகன் ஜேசன் சஞ்சய் இயக்கும் முதல் திரைப்படம் குறித்த அறிவிப்பை சினிமா ரசிகர்கள் ஆவலுடன் எதிர்பார்த்து காத்திருக்கின்றனர்.