ஜாக்குலின் நடித்து வரும் 'தேன்மொழி' சீரியல் நடிகர் காலமானார்: விஜய் டிவி இரங்கல்
- IndiaGlitz, [Friday,May 14 2021]
கலக்கப்போவது யாரு உள்பட ஒரு சில தொலைக்காட்சி நிகழ்ச்சியில் கலந்து கொண்டவரும் நயன்தாரா நடித்த ’கோலமாவு கோகிலா’ உட்பட ஒரு சில படங்களில் நடித்தவருமான ஜாக்குலின் தற்போது விஜய் டிவியில் ஒளிபரப்பாகி வரும் ’தேன்மொழி’ என்ற சீரியலில் நடித்து வருகிறார். இந்த சீரியல் ரசிகர்கள் மத்தியில் நல்ல வரவேற்பை பெற்று வருகிறது என்பது குறிப்பிடத்தக்கது.
இந்த நிலையில் இந்த சீரியலில் ஜாக்குலின் தந்தையாக சுப்பையா என்ற கேரக்டரில் நடித்து வருபவர் குட்டி ரமேஷ். இவர் பல தொலைக்காட்சி சீரியல்களிலும், ஒரு சில திரைப்படங்களிலும் நடித்து உள்ள நிலையில் உடல் நலக்குறைவு காரணமாக இன்று திடீரென காலமானார். இவரது மறைவிற்கு விஜய் டிவி தனது இன்ஸ்டாகிராம் பக்கத்தில் வருத்தம் தெரிவித்து உள்ளது என்பது குறிப்பிடத்தக்கது.
கடந்த சில மாதங்களாக சின்னத்திரை, பெரியதிரை பிரபலங்கள் பலர் தொடர்ச்சியாக உயிரிழந்து வரும் நிலையில் தற்போது மேலும் ஒரு சின்னத்திரை கலைஞர் உயிரிழந்திருப்பது திரையுலகினர்களை பெரும் சோகத்திற்கு உள்ளாக்கியுள்ளது.