'காலா' படத்தை பார்க்க ஜப்பானில் இருந்து சென்னை வந்த ரசிகர்
- IndiaGlitz, [Thursday,June 07 2018]
சூப்பர் ஸ்டார் ரஜினிகாந்த் நடித்த 'காலா' திரைப்படம் இன்று உலகம் முழுவதும் வெளியாகி ரசிகர்களின் பேராதரவை பெற்று வருகிறது. இந்த நிலையில் ஜப்பானில் ரஜினிக்கு மிகப்பெரிய அளவில் ரஜினி ரசிகர்கள் இருப்பது தெரிந்ததே. அந்த வகையில் 'காலா' படத்தை பார்க்க ஜப்பானில் இருந்து சென்னைக்கு ஒருசில ரசிகர்கள் வந்துள்ளனர். இதுகுறித்து தனியார் தொலைக்காட்சி ஒன்றுக்கு ஜப்பான் ரசிகர் அளித்த பேட்டி பின்வருமாறு:
நான் ரஜினியின் ஜப்பான் ரசிகர். இன்று காலா' திரைப்படம் வெளியாகியுள்ளது. இந்த படம் வெற்றி அடைய வாழ்த்துக்கள். இன்று காலா' படம் வெளியாகியுள்ளதால் இந்த படத்தை பார்க்க ஜப்பானில் இருந்து சென்னைக்கு வந்துள்ளேன்' என்று கூறியுள்ளார். மேலும் 'காலா' படத்தில் இடம்பெற்ற 'கியாரே செட்டிங்கா...என்ற வசனத்தையும் அவர் பேசி காட்டியுள்ளார்.
மேலும் தன்னுடன் ஒரு பெண் உள்பட மேலும் சிலர் ஜப்பானில் இருந்து சென்னைக்கு 'காலா' படத்தை பார்க்க வந்ததாகவும் தலைவரை முதல் நாள் முதல் காட்சியில் பார்ப்பது த்ரில்லான அனுபவம் என்றும் அவர் மேலும் கூறியுள்ளார்.