சூப்பர் ஸ்டார் ரஜினியின் 'முத்து' படத்தில் இருந்து அவர் நடித்த அனைத்து படங்களும் ஜப்பானில் ஹிட்டானது என்பது அனைவரும் அறிந்ததே. தமிழகத்தை போலவே அவருக்கு ஜப்பானிலும் ரசிகர் மன்றம் தோன்றியது. இந்த நிலையில் கடந்த மாத இறுதியில் ரஜினிகாந்த் அரசியலுக்கு வருவது உறுதி என்று அறிவித்தவுடன் தமிழக ரசிகர்கள் அந்த அறிவிப்பினை திருவிழா போல் கொண்டாடினர். இந்த நிலையில் அவரது படங்கள் போலவே அவரது அரசியலும் ஜப்பானை சென்றடைந்துள்ளது. ரஜினியின் தமிழக அரசியல் வருகைக்கு ஜப்பான் ரசிகர்கள் ஆதரவு தெரிவித்துள்ளனர். இதுகுறித்து ஜப்பானை சேர்ந்த ஒரு ரசிகர் தமிழில் பேசிய வீடியோ தற்போது இணையதளங்களில் வைரலாகி வருகிறது. அந்த வீடியோவில் அந்த ரசிகர் கூறியிருப்பதாவது:

வணக்கம், நான் அரசியலுகு வருவது உறுதி என ரஜினி சார் சொன்ன போது ஜப்பான் ரஜினி ரசிகர்களும் மிக்க மகிழ்ச்சி அடைந்தோம். நாங்கள் தமிழர்கள் இல்லை. ஆனாலும் தமிழ் திரைப்படம், தமிழ் மக்கள் அற்புதமான தமிழ் கலாச்சாரம் ரொம்ப பிடிக்கும். எனவே நாங்கள் ரஜினி அவர்களின் அரசியல் கட்சிக்கு ஆதரவு கொடுப்போம். எப்போதும் தயவுசெய்து எங்கள் நண்பராக இருங்கள். சிங்கம் ஒன்று புறப்பட்டதே! கண்ணா பன்னிங்கதான் கூட்டமா வரும், சிங்கம் சிங்கிளாத்தான் வரும். மகிழ்ச்சி' என்று கூறியுள்ளார்.