'జనతాగ్యారేజ్ ' కు ఏడు మిలియన్స్ వ్యూవర్స్....
- IndiaGlitz, [Thursday,July 21 2016]
యంగ్ టైగ‌ర్ ఎన్టీఆర్ ఇప్పుడు కొర‌టాల శివ దర్శకత్వంలో జనతాగ్యారేజ్' సినిమా చిత్రీకరణలో బిజీగా ఉన్నాడు. మిర్చి, శ్రీమంతుడు చిత్రాలు త‌ర్వాత ద‌ర్శ‌కుడు కొర‌టాల శివ తెర‌కెక్కిస్తున్న మూడో చిత్ర‌మిది. చిత్రీక‌ర‌ణ శ‌ర‌వేగంగా జ‌రుగుతుంది. ఇందులో మ‌ల‌యాళ సూపర్ స్టార్ మోహ‌న్‌లాల్ కీల‌క పాత్ర‌లో క‌న‌ప‌డుతున్నాడు. స‌మంత, నిత్యామీన‌న్ ఈ చిత్రంలో హీరోయిన్స్‌గా న‌టిస్తున్నారు.
వ‌చ్చే నెల మొద‌టివారంలో ఆడియో, సెప్టెంబ‌ర్ 2న సినిమాను విడుద‌ల చేయ‌డానికి సన్నాహాలు చేస్తున్నారు. ఈ సినిమా టీజ‌ర్‌కు ఆడియెన్స్ నుండి ట్రెమండ‌స్ రెస్పాన్స్ వ‌స్తుంది. తెలుగులో ఈ సినిమా టీజ‌ర్‌కు అప్పుడు 5 మిలియ‌న్ వ్యూవర్స్ దాటిపోయారు. అలాగే మ‌ల‌యాళంలో ఈ సినిమా టీజ‌ర్‌ను రెండు మిలియ‌న్ వ్యూవ‌ర్స్‌ను వీక్షించారు. మొత్తం మీద ఈ సినిమా టీజ‌ర్‌ను ఏడు మిలియన్స్ వీక్ష‌కులు వీక్షించారు. ఎన్టీఆర్ సినిమాల టీజ‌ర్స్ వ్యూస్‌లో ఈ చిత్రానిదొక కొత్త రికార్డు క్రియేట్ చేసింద‌ని పరిశీల‌కులు అంటున్నారు.