காமெடி நடிகை மதுமிதாவின் திருமண தேதி
- IndiaGlitz, [Wednesday,February 13 2019]
'ஒரு கல் ஒரு கண்ணாடி' உள்பட பல திரைப்படங்களில் காமெடி வேடங்களில் நடித்துள்ள ஜாங்கிரி மதுமிதா உதவி இயக்குனர் மோசஸ் ஜோல் என்பவரை பிப்ரவரி 15ஆம் தேதி திருமணம் செய்யவுள்ளார்.
சமீபத்தில் அளித்த பேட்டி ஒன்றில் தனது திருமணம் குறித்து கூறிய மதுமிதா, 'தனது தாயாரின் தம்பியின் மகன் தான் மணமகன் என்றும் இரண்டு குடும்பமும் கடந்த பல ஆண்டுகளாக நல்ல உறவில் இருப்பதாகவும் தெரிவித்தார்.
தங்களது திருமணத்தை இரண்டு குடும்பத்தினர்களும் பல ஆண்டுகளுக்கு முன்பே முடிவு செய்துவிட்டதாகவும் மதுமிதா அந்த பேட்டியில் தெரிவித்துள்ளார்.
தமிழ் சினிமாவில் ஏற்கனவே தனக்கென ஒரு இடத்தை தக்க வைத்து கொண்ட மதுமிதா, அஜித் நடித்த 'விஸ்வாசம்' படத்தில் நடித்த பின்னர் அந்த படத்தின் வெற்றியால் மேலும் பல வாய்ப்புகளை பெற்று வருகிறார் என்பது குறிப்பிடத்தக்கது.