యంగ్ టైగ‌ర్ ఎన్టీఆర్ - కొర‌టాల శివ కాంబినేష‌న్లో రూపొందుతున్న భారీ చిత్రం జ‌న‌తా గ్యారేజ్. ఈ చిత్రాన్ని మైత్రీ మూవీ మేక‌ర్స్ సంస్థ నిర్మిస్తుంది. ఈ చిత్రంలో మ‌ల‌యాళ అగ్ర‌హీరో మోహ‌న్ లాల్ కీల‌క‌పాత్ర పోషించారు. జ‌న‌తా గ్యారేజ్ టీజ‌ర్ ను నిన్న యంగ్ టైగ‌ర్ ఎన్టీఆర్ సోష‌ల్ మీడియా ద్వారా రిలీజ్ చేసారు.

ఎన్టీఆర్ చెప్పిన ప‌వ‌ర్ ఫుల్ డైలాగ్...దీనికి త‌గ్గ‌ట్టుగా ఉన్న యాక్ష‌న్ సీన్ సినిమా పై అంచ‌నాల‌ను మ‌రెంత పెంచేసింది. ఇదిలా ఉంటే....జ‌న‌తా గ్యారేజ్ టీజ‌ర్ స‌రికొత్త రికార్డ్ క్రియేట్ చేస్తుంది. టీజ‌ర్ రిలీజ్ చేసిన ఏడు గంట‌ల్లోనే మిల‌య‌న్ వ్యూస్ సాధించి స‌రికొత్త రికార్డ్ క్రియేట్ చేయ‌డం విశేషం. ప్రారంభం నుంచి భారీ అంచ‌నాలు ఏర్ప‌రుచుకున్న జ‌న‌తా గ్యారేజ్ చిత్రాన్ని ప్ర‌పంచ వ్యాప్తంగా ఆగ‌ష్టు 12న రిలీజ్ చేయ‌నున్నారు.