యంగ్ టైగ‌ర్ ఎన్టీఆర్, కొర‌టాల శివ కాంబినేష‌న్ రూపొందుతోన్న చిత్రం జ‌న‌తాగ్యారేజ్`. సినిమా ప్ర‌స్తుతం శ‌ర‌వేగంగా విడుద‌ల‌కు సిద్ధ‌మ‌వుతుంది. మిర్చి, శ్రీమంతుడు చిత్రాలు త‌ర్వాత ద‌ర్శ‌కుడు కొర‌టాల శివ తెర‌కెక్కిస్తున్నఈ చిత్రంలో మ‌ల‌యాళ సూప‌ర్ స్టార్ మోహ‌న్‌లాల్ కీల‌క‌ పాత్ర‌లో క‌న‌ప‌డుతున్నాడు. స‌మంత‌, నిత్యామీన‌న్ ఈ చిత్రంలో హీరోయిన్స్‌గా న‌టిస్తున్నారు.

ఈ సినిమాను సెప్టెంబ‌ర్ 2న విడుద‌ల చేయాల‌ని యూనిట్ భావిస్తుంది. అయితే సినిమా ప్యాచ్ వ‌ర్క్ స‌హా చిత్రీక‌ర‌ణ అంతా పూర్తి చేసుకుంది. ఈ విష‌యాన్ని ఎన్టీఆర్ స్వ‌యంగా ట్విట్ట‌ర్ ద్వారా తెలియ‌జేశాడు. కొర‌టాల అండ్ టీంతో వ‌ర్క్ చేయ‌డం గ్రేట్ ఎక్స్‌పీరియెన్స్ అని తెలియ‌జేశాడు. సినిమా చిత్రీక‌ర‌ణ‌తో పాటు పోస్ట్ ప్రొడ‌క్ష‌న్ కార్య‌క్ర‌మాలు కూడా స‌మాంత‌రంగా జ‌రుగుతున్నాయి. ఆగ‌స్ట్ 27న సినిమా సెన్సార్ కార్య‌క్ర‌మాల‌ను జ‌రుపుకోనుంద‌ని అంటున్నారు.