'జనతాగ్యారేజ్' శాటిలైట్ హక్కులను సొంతం చేసుకున్న....
- IndiaGlitz, [Monday,August 15 2016]
యంగ్ టైగర్ ఎన్టీఆర్, కొరటాల శివ కాంబినేష‌న్ రూపొందుతోన్న చిత్రం జనతాగ్యారేజ్'. సినిమా ప్ర‌స్తుతం శ‌ర‌వేగంగా విడుద‌ల‌కు సిద్ధ‌మ‌వుతుంది. మిర్చి, శ్రీమంతుడు చిత్రాలు త‌ర్వాత ద‌ర్శ‌కుడు కొరటాల శివ తెర‌కెక్కిస్తున్న మూడో చిత్ర‌మిది. ఇందులో మ‌ల‌యాళ సూప‌ర్ స్టార్ మోహ‌న్‌లాల్ కీల‌క పాత్రలో క‌న‌ప‌డుతున్నాడు. స‌మంత, నిత్యామీన‌న్ ఈ చిత్రంలో హీరోయిన్స్‌గా న‌టిస్తున్నారు.
ఈ సినిమాను ఆగ‌స్ట్ 12న విడుద‌ల చేయాల‌నుకున్న‌ప్ప‌టికీ కొన్ని అనివార్య కార‌ణాల‌తో సెప్టెంబర్ 2న విడుద‌ల చేస్తామ‌ని ప్ర‌క‌టించారు. అయితే కొరటాల శివ గ‌త రెండు చిత్రాలు మిర్చి, శ్రీమంతుడు సూప‌ర్ హిట్స్, అలాగే ఎన్టీఆర్ గ‌త చిత్రం నాన్న‌కు ప్రేమ‌తో కూడా సూప‌ర్ హిట్ కావడంతో ఈ సినిమాపై భారీ అంచ‌నాలు నెల‌కొన్నాయి. తాజాగా ఈ సినిమా శాటిలైట్ హక్కులను మా టీవీ వాళ్ళు భారీ ధ‌ర‌ను చెల్లించి సొంతం చేసుకున్నార‌ని స‌మాచారం.