జనతా గ్యారేజ్ అర్ధశతదినోత్సవం..!
- IndiaGlitz, [Thursday,October 20 2016]
యంగ్ టైగ‌ర్ ఎన్టీఆర్ - బ్లాక్ బ‌ష్ట‌ర్ డైరెక్టర్ కొర‌టాల శివ కాంబినేష‌న్లో రూపొందిన చిత్రం జనతా గ్యారేజ్. మైత్రీ మూవీ మేక‌ర్స్ సంస్థ నిర్మించిన జనతా గ్యారేజ్ ఊహించ‌ని విధంగా అన్నివ‌ర్గాల ప్రేక్ష‌కుల ఆద‌ర‌ణ‌తో రికార్డ్ స్ధాయి క‌లెక్ష‌న్స్ సాధించి సెన్సేష‌న్ క్రియేట్ చేసింది. ప‌ర్యావ‌ర‌ణాన్ని కాపాడాల‌నే ఎన్టీఆర్ క్యారెక్ట‌రైజేష‌న్ కొత్త‌గా ఉండ‌డం...మోహ‌న్ లాల్, ఎన్టీఆర్ ల న‌ట‌న, దేవిశ్రీ సంగీతం, కొర‌టాల టేకింగ్...ఇలా అన్ని క‌లిసి జనతా గ్యారేజ్ కి సంచ‌ల‌న విజ‌యాన్ని అందించాయి.
జనతా గ్యారేజ్ నేటికి 50 రోజులు పూర్తి చేసుకుంది. ఈ సంద‌ర్భంగా యంగ్ టైగ‌ర్ ఎన్టీఆర్ ట్విట్ట‌ర్ లో స్పందిస్తూ...జనతా గ్యారేజ్ 50 రోజులు పూర్తి చేసుకుంది. ఈ చిత్రంతో ఎప్ప‌టికీ మ‌ర‌చిపోలేని స‌క్సెస్ అందించినందుకు థ్యాంక్స్. నాకు ఇంత మంచి చిత్రాన్ని అందించినందుకు కొర‌టాల శివ‌కు బిగ్ థ్యాంక్స్ తెలియ‌చేస్తున్నాను. ఈ చిత్రంలో న‌టించిన న‌టీన‌టులు, టెక్నీషియ‌న్స్ ఇచ్చిన స‌పోర్ట్, అలాగే ఫ్యాన్స్, ప్రేక్ష‌కులు, మీడియా, శ్రేయోభిలాష‌ల స‌పోర్ట్ కు థ్యాంక్స్ అంటూ త‌న సంతోషాన్ని తెలియ‌చేసారు యంగ్ టైగ‌ర్..!