జనతా గ్యారేజ్ ఆడియో విడుదలకు ముహుర్తం ఖరారు..
- IndiaGlitz, [Wednesday,August 03 2016]
యంగ్ టైగ‌ర్ ఎన్టీఆర్ హీరోగా కొరటాల శివ దర్శకత్వంలో రూపొందుతున్న భారీ క్రేజీ మూవీ జనతా గ్యారేజ్. ఈ చిత్రాన్ని మైత్రీ మూవీ మేక‌ర్స్ సంస్థ నిర్మిస్తుంది. ఈ చిత్రంలో ఎన్టీఆర్ స‌ర‌స‌న సమంత, నిత్యామీన‌న్ న‌టిస్తుంటే కాజ‌ల్ అగ‌ర్వాల్ స్పెష‌ల్ సాంగ్ లో న‌టిస్తుండ‌డం విశేషం. ప్ర‌స్తుతం ఎన్టీఆర్, సమంత పై కేర‌ళ‌లో ఓ సాంగ్ చిత్రీక‌రిస్తున్నారు.
ఈ సాంగ్ పూర్తి చేసుకుని చిత్ర‌యూనిట్ వ‌చ్చే వారం హైద‌రాబాద్ రానున్నారు. యువ సంగీత సంచ‌ల‌నం దేవిశ్రీప్ర‌సాద్ సంగీతం అందిస్తున్న జనతా గ్యారేజ్ ఆడియో రిలీజ్ ఫంక్షన్ ను ఈనెల 12న హైద‌రాబాద్ శిల్ప‌క‌ళావేదిక‌లో ఘ‌నంగా నిర్వ‌హించేందుకు ఏర్పాట్లు చేస్తున్నారు. ఇక జనతా గ్యారేజ్ మూవీని ప్ర‌పంచ వ్యాప్తంగా సెప్టెంబ‌ర్ 2న రిలీజ్ చేయ‌నున్నారు.