యంగ్ టైగ‌ర్ ఎన్టీఆర్ హీరోగా కొర‌టాల శివ ద‌ర్శ‌క‌త్వంలో రూపొందుతున్నభారీ చిత్రం జ‌న‌తా గ్యారేజ్. ఈ చిత్రంలో ఎన్టీఆర్ స‌ర‌స‌న స‌మంత‌, నిత్యామీన‌న్ న‌టిస్తున్నారు. మైత్రీ మూవీ మేక‌ర్స్ సంస్థ ఈ చిత్రాన్ని ప్ర‌తిష్టాత్మ‌కంగా నిర్మిస్తుంది. మ‌ల‌యాళ సూప‌ర్ స్టార్ మోహ‌న్ లాల్ ముఖ్య‌పాత్ర పోషిస్తున్నారు.

టు ఫ‌స్ట్ లుక్స్...

ఈ నెల 20న యంగ్ టైగ‌ర్ ఎన్టీఆర్ పుట్టిన‌రోజు. అయితే...సాధార‌ణంగా హీరో పుట్టిన‌రోజు సంద‌ర్భంగా ఎవ‌రైనా తాజా సినిమా ఫ‌స్ట్ లుక్ ఒక‌టి రిలీజ్ చేస్తుంటారు. కానీ..వెరైటీగా జ‌న‌తా గ్యారేజ్ టీమ్ రెండు ఫ‌స్ట్ లుక్ లు రిలీజ్ చేయ‌డానికి ప్లాన్ చేస్తుంది. రేపు (మే 20) ఎన్టీఆర్ పుట్టిన‌రోజు సంద‌ర్భంగా ఈరోజు సాయంత్రం 6 గంట‌ల‌కు జ‌న‌తా గ్యారేజ్ ఫ‌స్ట్ లుక్ రిలీజ్ చేయ‌నున్నారు. తార‌క్ టీమ్ ఒక ఫ‌స్ట్ లుక్ రెడీ చేస్తుంటే...కొర‌టాల శివ టీమ్ మ‌రొక‌ ఫ‌స్ట్ లుక్ రెడీ చేస్తుండ‌డం విశేషం. ఈరోజు ఫ‌స్ట్ లుక్స్ రిలీజ్ చేస్తే....రేపు జ‌న‌తా గ్యారేజ్ టీజ‌ర్ రిలీజ్ చేసే అవకాశం ఉంద‌ని సమాచారం.

పూరి ఫ‌స్ట్ లుక్..

యంగ్ టైగ‌ర్ ఎన్టీఆర్ - పూరి జ‌గ‌న్నాథ్ కాంబినేష‌న్లో ఆంధ్రావాలా, టెంప‌ర్ చిత్రాలు రూపొందాయి. వీరిద్ద‌రు క‌లిసి మూడో సినిమా చేయ‌నున్నారు. క‌ళ్యాణ్ రామ్, ఎన్టీఆర్ ఈ నంద‌మూరి అన్న‌ద‌మ్ములిద్ద‌రికీ పూరి క‌థ‌లు చెప్పి ఒప్పించారు. ప్ర‌స్తుతం క‌ళ్యాణ్ రామ్ తో పూరి ఓ సినిమా చేస్తున్నారు. ఈ సినిమా త‌ర్వాత పూరి ఎన్టీఆర్ తో సినిమా చేయ‌నున్నారు. ఇదిలా ఉంటే...పోకిరి ప‌ది సంవ‌త్స‌రాలు పూర్తి చేసుకున్న సంద‌ర్భంగా మ‌హేష్ తో చేయ‌నున్న హ్యాట్రిక్ మూవీ అంటూ పూరి జ‌న‌గ‌ణ‌మ‌న టైటిల్ ఎనౌన్స్ చేసిన విష‌యం తెలిసిందే. తాజాగా ఎన్టీఆర్ పుట్టిన‌రోజు సంద‌ర్భంగా పూరి ఎన్టీఆర్ తో చేయ‌నున్న సినిమా టైటిల్ రిలీజ్ చేస్తారంటూ ప్ర‌చారం జ‌రుగుతుంది. ప్ర‌చారంలో ఉన్న‌ట్టు పూరి కూడా ఎన్టీఆర్ తో చేయ‌నున్న మూవీ ఫ‌స్ట్ లుక్ రిలీజ్ చేస్తే...ఒక పుట్టిన‌రోజు మూడు ఫ‌స్ట్ లుక్ లు రిలీజ్ అవ్వ‌డం నిజంగా విశేష‌మే.

నాన్న‌కు ప్రేమ‌తో..మించేలా జ‌న‌తా గ్యారేజ్...

యంగ్ టైగ‌ర్ ఎన్టీఆర్ న‌టించిన నాన్న‌కు ప్రేమ‌తో...చిత్రం సంక్రాంతికి రిలీజై ఘ‌న విజయం సాధించింది. నాన్న‌కు ప్రేమ‌తో..చిత్రం 50 కోట్లు షేర్ సాధించి...ఎన్టీఆర్ కెరీర్ లో తొలి 50 కోట్ల చిత్రంగా రికార్డ్ క్రియేట్ చేసింది. నాన్న‌కు ప్రేమ‌తో...ఇచ్చిన స‌క్సెస్ తో ఫామ్ లో ఉన్న ఎన్టీఆర్ జ‌న‌తా గ్యారేజ్ చిత్రంతో 50 కోట్ల‌ను మించి రికార్డ్ స్ధాయి క‌లెక్ష‌న్స్ సాధించేందుకు ప‌క్కా ప్లాన్ రెడీ చేస్తున్నాడు. శ‌ర‌వేగంగా షూటింగ్ జ‌రుపుకుంటున్న జ‌న‌తా గ్యారేజ్ చిత్రాన్ని ఆగ‌ష్టు 12న ప్ర‌పంచ వ్యాప్తంగా రిలీజ్ చేయ‌నున్నారు. మ‌రి...అంచ‌నాల‌కు త‌గ్గ‌ట్టు జ‌న‌తా గ్యారేజ్ చిత్రంతో ఎన్టీఆర్ రికార్డ్ స్ధాయి క‌లెక్ష‌న్స్ సాధిస్తాడ‌ని ఆశిద్దాం.