జనసేన తరఫున కార్మిక దినోత్సవ శుభాకాంక్షలు
- IndiaGlitz, [Wednesday,May 01 2019]
స్వేదాన్ని రక్తంగా మార్చి శ్రమించే కార్మిక సోదరులందరికీ మే డే సందర్భంగా తన తరఫున, జన సైనికుల తరఫున అధినేత పవన్ కల్యాణ్ శుభాకాంక్షలు తెలిపారు. శ్రమను గుర్తించి... శ్రమను గౌరవించాలని ఈ సందర్భంగా ఆయన పిలుపునిచ్చారు. సమాజ పురోగతిలో, సంపద సృష్టిలో కార్మికుల పాత్ర విస్మరించని రోజునే శ్రమ జీవుల కష్టానికి తగ్గ ఫలితం దక్కుతుందన్నారు. అసంఘటిత రంగంలో ఉన్న కార్మికుల కష్టానికి తగ్గ వేతనాలు అందేలా చేయాల్సి ఉందని ఆయన అభిప్రాయపడ్డారు. కార్మికుల ఉద్యోగ భద్రత, కార్మిక చట్టాలు సక్రమంగా అమలయ్యేలా చూడాలని.. అప్పుడే కార్మిక దినోత్సవ ఉద్దేశం నెరవేరుతుందని పవన్ కల్యాణ్ చెప్పుకొచ్చారు.