జనసేన అధినేత పవన్ కల్యాణ్‌పై మంత్రి జోగి రమేష్ చేసిన వ్యాఖ్యలు తీవ్ర దుమారం రేపాయి. పవన్ పెళ్లాలనే కాదు.. పార్టీలను కూడా మారుస్తాడు అంటూ ఏకంగా సీఎం సమక్షంలో చేసిన వ్యాఖ్యలు వైరల్ అయ్యాయి. ఈ వ్యాఖ్యలపై జనసేన శ్రేణులు భగ్గుమన్నాయి. విజయవాడలో జనసేన రాష్ట్ర కార్యదర్శి అమ్మిశెట్టి వాసు ఆధ్వర్యంలో మంగళవారం నిరసనకు దిగారు.

బ్రోకర్ పనులు చేసినందుకే మంత్రి పదవి :

జోగి రమేష్‌ని పిచ్చి కుక్కని కొట్టినట్లు కొట్టాలని ఆయన మండిపడ్డారు. నువ్వు తార్చితేనే ఎమ్మెల్యే సీటు , మంత్రి పదవి నీకు వచ్చాయని వాసు తీవ్ర వ్యాఖ్యలు చేశారు. జోగి రమేష్ ఒక బ్రోకర్ గాడు, జోకర్ గాడని.. మంత్రి పదవి వచ్చింది బ్రోకర్ పనులు చేసినందుకేనంటూ ఆరోపించారు. తప్పు అని చెప్పాల్సిన సీఎం కూడా జోగి రమేష్‌ను సమర్ధించడం సిగ్గు చేటని అమ్మిశెట్టి వాసు ఎద్దేవా చేశారు. మీ నాయకుడిలా బాబాయిని చంపి అధికారంలోకి మేము రాలేదురా అంటూ ఆయన ఘాటు వ్యాఖ్యలు చేశారు.

మంత్రి పదవి వదిలిసి రా చూసుకుందాం :

పవన్ కళ్యాణ్ తన కష్టార్జితాన్ని పేదలకు పంచుతున్నారని.. జగన్ ప్రజల సొమ్మును దోచుకుంటున్నాడని అమ్మిశెట్టి వాసు ఆరోపించారు. ప్రభుత్వ సొమ్ములు పంచే సభల్లో మీ బూతులు ఏంటి అంటూ ప్రశ్నించారు. దమ్ముంటే మంత్రి పదవి పక్కన పెట్టి రా .. విజయవాడ నడిరోడ్లపై బట్టలూడదీసి జన సైనికులు కొడతారని వాసు హెచ్చరించారు. అధికార మదంతో అడ్డగోలుగా వాగుతావా .. సీటు రాదనే భయంతోనే కారుకూతలు కూస్తున్నాడని ఆయన ఆగ్రహం వ్యక్తం చేశారు. మరో 8 నెలల్లో నువ్వు ఇంటికి పోవడం ఖాయమని అమ్మిశెట్టి వాసు హెచ్చరించారు.

జోగి రమేష్ ఏమన్నారంటే :

సోమవారం గుంటూరు జిల్లా వెంకటపాలెంలో అమరావతిలో పేదల ఇళ్ల నిర్మాణానికి శంకుస్థాపన అనంతరం జరిగిన బహిరంగ సభలో సీఎం జగన్‌తో కలిసి జోగి రమేష్ పాల్గొన్నారు. ఈ సందర్భంగా ఆయన ఆవేశంతో ఊగిపోయారు. కుక్కలకు కూడా సీజన్ వుంటుందని.. చిత్తకార్తి సమయంలో కుక్కలు కూడా రోడ్డు మీదకు వచ్చి మొరుగుతాయని.. కానీ ఇలాంటి చిత్తకార్తి కుక్కలు ఎన్నికల సీజన్‌లో రోడ్డు మీదకు వస్తున్నాయని రమేశ్ మండిపడ్డారు. చంద్రబాబు మొసలి నక్క, పవన్ కల్యాణ్ పిచ్చికుక్క, పవన్ కళ్యాణ్ పెళ్లాలనే కాదు పార్టీలను మారుస్తాడని మంత్రి వ్యాఖ్యానించారు. మార్చటం , తార్చటం పవన్ కల్యాణ్‌కు వెన్నతో పెట్టిన విద్య అని.. ఏ పార్టీని, ఏ పార్టీతో కలపాలో కంపెనీ పెట్టు అంటూ జోగి రమేశ్ వ్యాఖ్యానించారు. జగన్‌ను ఎవరూ టచ్ చేయలేరని.. మా వెంట్రుక కూడా పీకలేరని, ఊరపంది తిరిగినట్లు ఒకడు రోడ్లపై తిరుగుతున్నాడని మంత్రి ఆగ్రహం వ్యక్తం చేశారు.