ஜனகராஜ் எடுக்கும் புதிய அவதாரம்
- IndiaGlitz, [Tuesday,February 20 2018]
கடந்த 90களில் ரஜினி, கமல் உள்பட முன்னணி நடிகர்களின் படங்களில் காமெடி நடிகராக ஜொலித்தவர் ஜனகராஜ் என்பது தெரிந்ததே. அவரது காமெடியும் பாடி லேங்வேஜூம் ரசிகர்களால் பெரிதும் ரசிக்கப்பட்டது.
இந்த நிலையில் நீண்ட இடைவேளைக்கு பின் சாருஹாசன் முக்கிய வேடத்தில் நடித்து வரும் 'தாதா 87' என்ற படத்தில் ஜனகராஜ் ஒரு முக்கிய கேரக்டரில் ரீஎண்ட்ரி ஆகிறார் என்பதை ஏற்கனவே பார்த்தோம்.
இந்த நிலையில் தற்போது ஹீரோவாக நடிக்க ஒரு படத்தில் ஜனகராஜ் ஒப்பந்தமாகியுள்ளார். 'தர்ம அவதாரம்' என்ற டைட்டிலில் தயாராகும் படத்தில் ஜனகராஜ் புதிய அவதாரம் எடுக்கவுள்ளதாகவும், இந்த படத்தை 'தாதா 87' படத்தை இயக்கும் விஜய்ஸ்ரீ இயக்கவுள்ளதாகவும் செய்திகள் வெளிவந்துள்ளது.
ஒரு மிடில் கிளாஸ் தந்தை கேரக்டரில் நடிக்கவுள்ள ஜனகராஜின் கேரக்டர், சமூகத்தில் நடக்கும் அவலங்களை கண்டு ஆத்திரப்படும் ஒரு கேரக்டர் என்றும், இந்த கேரக்டர் நிச்சயம் பார்வையாளர்களுக்கு ஆச்சரியத்தை அளிக்கும் என்றும் இயக்குனர் தெரிவித்துள்ளார்
வரும் மார்ச் மாதம் ஊட்டியில் இந்த படத்தின் படப்பிடிப்பு தொடங்கவுள்ளதாகவும், ஒரே ஷெட்யூலில் இந்த படத்தின் மொத்த படப்பிடிப்பையும் முடிக்க படக்குழுவினர்கள் திட்டமிட்டுள்ளதாகவும் கூறப்படுகிறது.