జ‌న గ‌ణ మ‌న టైటిల్ తో జ్యోతిల‌క్ష్మి..
- IndiaGlitz, [Tuesday,April 05 2016]
జ‌న గ‌ణ మ‌న టైటిల్ తో సినిమా తీస్తానంటుంది జ్యోతిల‌క్ష్మి. ఇంత‌కీ జ్యోతిల‌క్ష్మి అంటే ఎవ‌రో కాదు ఛార్మింగ్ గాళ్ ఛార్మి. పూరి జ‌గ‌న్నాథ్ ద‌ర్శ‌క‌త్వంలో జ్యోతిల‌క్ష్మి సినిమాలో న‌టించిన త‌ర్వాత ఛార్మి వేరే సినిమా చేయ‌లేదు. క‌నీసం స్పెష‌ల్ సాంగ్ కూడా చేయ‌లేదు. ఛార్మికి చేయాల‌ని ఉన్నా...అవ‌కాశాలు రావాలి క‌దా. ఎంత‌కీ... అవ‌కాశాలు రాక‌పోవ‌డంతో త‌నే ఓ సినిమా నిర్మించాల‌నుకుంటుంది.
అయితే దేశ‌భ‌క్తి ని చాటి చెప్పేలా జ‌న గ‌ణ మ‌న అనే టైటిల్ తో ఛార్మి సినిమా తీయాల‌నుకోవ‌డం విశేషం. ఫిల్మ్ ఛాంబ‌ర్ లో జ‌న గ‌ణ మ‌న అనే టైటిల్ కూడా రిజిష్ట‌ర్ చేయించింది. గ‌తంలో దిల్ రాజు జ‌న గ‌ణ మ‌న అనే టైటిల్ తో ప‌వ‌న్ క‌ళ్యాణ్ తో సినిమా చేయ‌నున్న‌ట్టు వార్త‌లు వ‌చ్చాయి. కానీ సెట్స్ పైకి వెళ్ల‌లేదు. మ‌రి...ఛార్మి జ‌న గ‌ణ మ‌న అయినా సెట్స్ పైకి వెళుతుందో లేదో..?