கிளாஸ்ரூம்ல எதுக்குடா ஜாதி கொண்டு வர்றீங்க.. 'சீரன்' டிரைலர்..!
- IndiaGlitz, [Wednesday,September 20 2023]
ஜேம்ஸ் கார்த்திக், இனியா, சோனியா அகர்வால், ஆஜித் உள்ளிட்டோர் நடித்த ’சீரன்’ திரைப்படத்தின் படப்பிடிப்பு முடிவடைந்த நிலையில் தற்போது இந்த படத்தின் டிரைலர் ரிலீஸ் ஆகியுள்ளது.
பள்ளி மாணவர்கள் மத்தியில் ஜாதி பிரச்சனை எந்த அளவுக்கு கொடூரமாக உள்ளது என்ற உண்மை கதையின் அடிப்படையில் இந்த படத்தின் திரைக்கதை எழுதப்பட்டுள்ளது. இந்த படத்தை துரை கே முருகன் என்பவர் இயக்கி உள்ளார். இந்த படத்தின் நாயகன் ஜேம்ஸ் கார்த்தி, கதை, திரைக்கதை வசனம் எழுதியதோடு இந்த படத்தை தயாரித்தும் உள்ளார்.
இந்த படத்தின் டிரைலரில் பள்ளி வகுப்புகளில் மேல் ஜாதி, கீழ் ஜாதி மாணவர்கள் இடையே நடக்கும் பிரச்சனை, கீழ் ஜாதி மாணவர்களுக்கு ஏற்படும் அவமானங்கள், பள்ளி நிர்வாகிகளே கீழ் ஜாதி மாணவர்களை அவமதிக்கும் செயல்கள் ஆகியவை தத்ரூபமாக காட்டப்பட்டுள்ளன.
சமீபத்தில் கூட மாணவர்கள் மத்தியில் ஜாதி பிரச்சனை இருந்த சம்பவம் தமிழ்நாட்டில் நடந்த நிலையில் இந்த படம் இப்போது வெளியாக இருப்பது பொருத்தமாக இருக்கும் என்று கருதப்படுகிறது.
மாணவர்கள் மத்தியில் ஜாதி வேற்றுமை இருக்கக் கூடாது என்பதை அழுத்தமாக சொல்லும் இந்த படம் என் நிச்சயம் வெற்றி பெறும் என்று எதிர்பார்க்கப்படுகிறது. இந்த படம் விரைவில் திரையரங்குகளில் வெளியாக உள்ளது என்பது குறிப்பிடத்தக்கது.