జేమ్స్ బాండ్ రోజర్ మూర్ కన్నుమూత
- IndiaGlitz, [Wednesday,May 24 2017]
బాండ్..జేమ్స్ బాండ్ అంటూ అభిమానుల హృద‌యాల‌ను కొల్ల‌గొట్టిన హాలీవుడ్ క‌థ‌నాయ‌కుడు రోజ‌ర్‌మూర్(89) క‌న్నుమూశారు. గ‌త కొంత కాలంగా రోజర్ మూర్ క్యాన్స‌ర్‌తో బాధ‌ప‌డుతున్నారు. ఈ కార‌ణంగా మంగ‌ళ‌వారం సాయంత్రం స్విట్జ‌ర్లాండ్‌లో ఆయ‌న తుదిశ్వాస విడిచార‌ని ఆయ‌న కుటుంబ స‌భ్యులు సోష‌ల్ మీడియా ద్వారా తెలిపారు. 1927లో లండ‌న్‌లో జ‌న్మించిన రోజర్ మూర్ పాతికేళ్ళ వ‌య‌సులో మోడ‌లింగ్‌లో అడుగుపెట్టారు. చిన్న చిన్న పాత్ర‌లో న‌టించిన ఆయ‌న‌కు పెద్ద‌గా గుర్తింపు ల‌భించ‌లేదు.
త‌ర్వాత ఆయ‌న ది సెయింట్‌, ది ప‌ర్సేడ‌ర్స్ వంటి సీరియ‌ల్స్‌తో గుర్తింపు సంపాదించుకున్నారు. జేమ్స్ బాండ్‌గా న‌టించిన సీన్‌కాన‌రీ త‌ర్వాత రోజర్ మూర్ జేమ్స్ బాండ్‌గా న‌టించి మెప్పించారు. 12 ఏళ్ళ‌లో 7 జేమ్స్ బాండ్ చిత్రాల్లో ఆయ‌న న‌టించారు. 58 ఏళ్ళ వ‌ర‌కు బాండ్ పాత్ర‌లో న‌టించిన రోజర్ మూర్ త‌ర్వాత 1990 వ‌ర‌కు ఏ చిత్రంలో న‌టించ‌లేదు. త‌ర్వాత స్పైస్ వ‌రల్డ్‌, బోట్ ట్రిప్ చిత్రాల్లో క‌నిపించారు.