ఫ‌లితాల‌తో సంబంధం లేకుండా సినిమాలు చేసుకుపోతున్న క‌థానాయ‌కుల‌లో సునీల్ ఒక‌రు. హాస్య న‌టుడు నుంచి క‌థానాయ‌కుడుగా ఎదిగిన సునీల్ ప్ర‌స్తుతం మూడు చిత్రాల‌తో బిజీగా ఉన్నారు. వంశీకృష్ణ ఆకెళ్ల‌తో చేస్తున్న 'జ‌క్క‌న్న' ఫినిషింగ్ స్టేజ్‌లో ఉంది. వీరు పోట్ల‌తో చేస్తున్న 'వీడు గోల్డ్ ఏహే' నిర్మాణం జరుపుకుంటుంటే.. క్రాంతి మాధ‌వ్‌తో చేస్తున్న సినిమా ఇటీవ‌లే ప్రారంభ‌మైంది. త్వ‌ర‌లోనే రెగ్యుల‌ర్ షూటింగ్ జ‌రుపుకోనుంది.

గ‌త చిత్రం 'కృష్ణాష్ణ‌మి' ప‌రాజ‌యం పాల‌యినా.. ఈ చిత్రాల‌పై సునీల్ ఎంతో న‌మ్మ‌కంగా ఉన్నారు. ఇదిలా ఉంటే.. 'జ‌క్క‌న్న' చిత్రాన్ని మే నెల‌లో విడుద‌ల చేయాల‌ని చిత్ర యూనిట్ భావిస్తోంది. అదే గ‌నుక జ‌రిగితే.. సెంటిమెంట్ ప‌రంగా సునీల్‌క‌ది ప్ల‌స్సే. ఎలాగంటే.. మూడ‌క్ష‌రాల టైటిల్‌తో సునీల్ ఓ క‌థానాయ‌కుడుగా న‌టించిన 'త‌డాఖా' కూడా 2013లో మే నెల‌లోనే విడుద‌లై మంచి విజ‌యం సాధించింది. ఆ సెంటిమెంట్‌నే తాజా మూడ‌క్ష‌రాల చిత్రం 'జ‌క్క‌న్న' కూడా ఫాలో అవుతుందేమో చూడాలి.