జులై 29న సునీల్ 'జక్కన్న' విడుదల
- IndiaGlitz, [Friday,July 15 2016]
సునీల్ హీరోగా, మన్నార్ చోప్రా హీరోయిన్ గా, ప్రేమ‌క‌థాచిత్ర‌మ్ త‌రువాత ఆర్.పి.ఎ.క్రియేషన్స్ బ్యానర్ పై ప్రొడక్షన్ నెం.2గా రూపొందుతోన్న చిత్రం 'జక్కన్న' షూటింగ్ కార్క‌క్ర‌మాలు పూర్తిచేసుకుంది.ఇప్ప‌టికే పోస్ట్‌ప్రోడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి.ఇటీవలే ఈ చిత్రానికి సంభందించి ఆడియోని మెగాస్టార్ చిరంజీవి గారి చేతుల‌మీదుగా విడుద‌ల‌య్యిన ఆడియో సూపర్ హిట్ కావ‌టం ఆనందంగా వుంది. ధియోట్రిక‌ల్ ట్రైల‌ర్ కి చాలా మంచి రెస్పాన్స్ వ‌చ్చింది. సునీల్ బ్యాక్ టు ఎంటర్టైన్మెంట్ అంటూ సోష‌ల్ మీడియా లో ట్రెండ్ గా నిల‌వ‌టం ఈచిత్రం యెక్క క్రేజ్ ని తెలియ‌జేస్తుంది. పంచ్ డైలాగ్స్ ఈచిత్రంలో చాలా వున్నాయి. ర‌క్ష చిత్రం ద‌ర్శ‌కుడు వంశీ కృష్ణ అకెళ్ళ దర్శకత్వంలో ఆర్.సుదర్శన్ రెడ్డి ఈ చిత్రాన్ని గ్రాండ్ గా నిర్మించారు. దినేష్ సంగీత ద‌ర్శ‌కుడు. ఈచిత్రాన్ని అన్ని కార్య‌క్ర‌మాలు పూర్తిచేసి జులై 29 విడుద‌ల‌కి స‌న్నాహ‌లు చేస్తున్నారు.
నిర్మాత ఆర్.సుదర్శన్ రెడ్డి మాట్లాడుతూ...... సునీల్ గారు నటించిన మంచి ఎనర్జిటిక్ ఫ్యామిలీ ఎంటర్ టైనర్ మా జక్కన్న చిత్రం. సునీల్ గారి కామెడి టైమింగ్ కి డైర‌క్ట‌ర్ వంశి రాసిన సీన్ కి ధియోట‌ర్స్ లో క్లాప్స్ ప‌డ‌తాయి. అదే విధంగా దినేష్ గారు అందిచిన ఆడియో కూడా ఫుల్ ఎన‌ర్జిగా వుంటాయి. సునిల్ బ్యాక్ టు ఎంటర్టైన్మెంట్ అని సోష‌ల్ మీడియాలో ట్రెండ్ అవ్వ‌టం చాలా హ్య‌పిగా వుంది. మా చిత్రంలో అన్ని పాట‌లు పాడుకునేలా వుంటాయి. ముఖ్యంగా టైటిల్ సాంగ్ మాస్ ప్రేక్ష‌కుల్ని విప‌రీతంగా ఆక‌ట్టుకుంది. మా డైరెక్టర్ వంశీ కృష్ణ అకెళ్ళ కొత్త పాయింట్ ని ఎంటర్ టైనింగ్ గా తెరకెక్కించారు. ప్రేమకథా చిత్రం తర్వాత మా బ్యానర్ నుంచి వస్తున్న ఈ జక్కన్న చిత్రం అన్ని వ‌ర్గాల ప్రేక్ష‌కుల్ని ఆక‌ట్టుకుంటుంది. ఎట్టిప‌రిస్ధితిలో మా చిత్రాన్ని జులై 29న విడుదల చేయ‌టానికి స‌న్నాహ‌లు చేస్తాము, అని అన్నారు.