உறவினர்கள் கூண்டோடு காலி! மசூர் அசார் தப்பி ஓட்டம்
- IndiaGlitz, [Tuesday,February 26 2019]
புல்வாமா தாக்குதலுக்கு காரணமான ஜெய்ஷ் இ முகமது தீவிரவாத அமைப்பின் முகாம்கள் மீது இன்று அதிகாலை இந்திய வான்படை அதிரடி தாக்குதல் நடத்தி இவ்வமைப்பின் தலைமையகம் உள்பட அனைத்து முகாம்கள் அழிக்கப்பட்டது.
இந்த தாக்குதலில் ஜெய்ஷ் இ முகமது தீவிரவாத அமைப்பின் தலைவன் மசூர் அசார் எந்த முகாமிலும் இல்லாததால் உயிர் தப்பியதாகவும் ஆனால் அவனது மைத்துனன் யூசுப் அசார், மசூத் அசாரின் நெருக்கமான உறவினர்கள் பலர் இந்த தாக்குதலில் கொல்லப்பட்டதாகவும் கிட்டத்தட்ட அவனது குடும்பத்தினர் கூண்டோடு கொல்லப்பட்டதாகவும் செய்திகள் வெளிவந்து கொண்டிருக்கின்றது
இந்திய ராணுவம் பதில் தாக்குதல் நடத்தும் என எதிர்பார்த்தே கடந்த இரண்டு நாட்களுக்கு முன்னரே மசூர் அசார் பாகிஸ்தானின் உள்பகுதிக்கு சென்றுவிட்டதாகவும், பின்லேடன் பாகிஸ்தானில் மூன்று அடுக்கு பாதுகாப்பில் பதுங்கியிருந்தது போல் தற்போது மசூர் அசார் பதுங்கியிருப்பதாகவும் இன்னும் சில நாட்களுக்கு அவன் வெளியே வர வாய்ப்பு இல்லை என்றும் கூறப்படுகிறது.