சூப்பர் ஸ்டார் ரஜினிகாந்த் நடித்து முடித்துள்ள ‘ஜெயிலர்’ திரைப்படம் வரும் ஆகஸ்ட் 10ஆம் தேதி திரையரங்குகளில் வெளியாக உள்ளது என்பதும் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது என்பதும் தெரிந்ததே.

இந்நிலையில் ஆகஸ்ட் 10ஆம் தேதி ‘ஜெயிலர்’ படத்திற்கு அதிகாலை காட்சிக்கு அனுமதி இல்லை என்றும் முதல் காட்சி அனைத்து திரையரங்குகளிலும் காலை 9:00 மணிக்கு தான் தொடங்கும் என்றும் தகவல் வெளியாகியுள்ளது. கடந்த சில மாதங்களாகவே எந்த படத்திற்கும் அதிகாலை காட்சிகளுக்கு அனுமதி வழங்கப்படவில்லை என்பது குறிப்பிடத்தக்கது.

ஆனால் அதே நேரத்தில் தமிழகத்தின் அண்டை மாநிலமான கர்நாடகா மாநிலத்தில் அதிகாலை 6:00 மணிக்கு ‘ஜெயிலர்’ முதல் காட்சி தொடங்க இருப்பதாக தகவல் வெளியாகி உள்ளன. எனவே தமிழகத்தில் முதல் காட்சி தொடங்க முன்னரே கர்நாடகத்தில் ஒரு காட்சி முடிவடைந்திருக்கும் என்பது குறிப்பிடத்தக்கது.

இந்த நிலையில் ‘ஜெயிலர்’ ரிலீஸாக இன்னும் ஒரு வாரத்திற்கும் மேல் இருக்கும் நிலையில் அதற்குள் தமிழகத்தில் அதிகாலை காட்சிக்கு அனுமதி வழங்கப்படுமா? என்பதை பொறுத்திருந்து பார்ப்போம்.

ரஜினிகாந்த், சிவராஜ்குமார், மோகன்லால், தமன்னா, ரம்யா கிருஷ்ணன், சுனில், ஜாக்கி ஷெராப், வசந்த் ரவி, விநாயகன், யோகிபாபு, ரெடின் கிங்ஸ்லி, உட்பட பலர் நடித்துள்ள ‘ஜெயிலர்’ திரைப்படம் சன் பிக்சர்ஸ் தயாரிப்பில், நெல்சன் இயக்கத்தில், அனிருத் இசையில் உருவாகி உள்ளது. இந்த படத்திற்கு விஜய் கார்த்திக் கண்ணன் ஒளிப்பதிவும், நிர்மல் படத்தொகுப்பும் செய்துள்ளனர்.

Get ready for the storm ! #Jailer FDFS begins 6AM in Karnataka 🔥Booking opens Soon!

An AV Media Consultancy Release In Karnataka Thru Jayanna Films 💥@rajinikanth @sunpictures @Nelsondilpkumar @anirudhofficial @Mohanlal @NimmaShivanna @bindasbhidu @tamannaahspeaks… pic.twitter.com/70e3WO9Sry

— Venkatesh (@venkatavmedia) August 1, 2023