'அங்க மூணாவதா ஒருத்தர் இருப்பாரே... 'தளபதி 69' படத்தில் 'ஜெயிலர்' மாஸ் நடிகர்..!
- IndiaGlitz, [Wednesday,November 13 2024]
’ஜெயிலர்’ திரைப்படத்தில் சூப்பர் ஸ்டார் ரஜினிகாந்த் வில்லனிடம் ’அங்கே மூணாவதா ஒருத்தர் இருப்பாரே’ என்று கூறியவுடன் மாஸ் நடிகர் திரையில் தோன்றுவார் என்பதும் அப்போது திரையரங்கமே அதிரும் என்பதும் அந்த நடிகர் தான் தற்போது ’தளபதி 69’ படத்தில் இணைய இருப்பதாகவும் கூறப்படுகிறது.
தளபதி விஜய் நடிக்க இருக்கும் 69 ஆவது திரைப்படத்தை ஹெச் வினோத் இயக்க இருக்கும் நிலையில், இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது.
இந்த நிலையில் பிரபல கன்னட நடிகர் சிவராஜ் குமார் சமீபத்தில் அளித்த பேட்டியில் ’தளபதி 69’ படத்தில் தனக்கு ஒரு முக்கிய கேரக்டரில் நடிக்க வாய்ப்பு வந்துள்ளது என்றும், ஆனால் தேதி பிரச்சனை இருப்பதால் அந்த படத்தில் நான் நடிப்பேனா என்பதை உறுதியாக சொல்ல முடியாது என்று தெரிவித்தார். ஆனால் அதே நேரத்தில் எப்படியாவது தேதியை சமாளித்து நடித்து விடுவேன் என நம்புகிறேன் என்று கூறியவர், விஜய் ஒரு சிறந்த நடிகர் மட்டுமல்ல நல்ல மனிதநேயம் உள்ளவர்; அவருடைய குறிக்கோளும் அற்புதமாக இருக்கிறது’ என்று தெரிவித்துள்ளார்.
விஜய் ஜோடியாக பூஜா ஹெக்டே நடிக்க இருக்கும் இந்த படத்திற்கு அனிருத் இசை அமைக்க உள்ளார். இந்த படத்தின் வில்லனாக பாபி தியோல் நடிக்கவிருக்கும் நிலையில் மமிதா பாஜு, பிரியாமணி, கௌதம் மேனன், பிரகாஷ்ராஜ் உள்ளிட்டோர் நடிக்கவுள்ளனர். மேலும் இந்த படத்தின் ஒளிப்பதிவாளராக சத்யன் சூரியன், ஸ்டண்ட் இயக்குனராக அனல் அரசு, கலை இயக்குனராக செல்வகுமார், படத் தொகுப்பாளராக பிரதீப் ராகவ், உடை வடிவமைப்பாளராக பல்லவி, பப்ளிசிட்டி டிசைனராக கோபி பிரசன்னா ஆகியோர் பணிபுரிந்து வருகின்றனர்.