சூப்பர் ஸ்டார் ரஜினிகாந்த் நடித்த ‘ஜெயிலர்’ திரைப்படத்தில் கலக்கிய மாஸ் நடிகர் தற்போது கமல்ஹாசன் அடுத்த படத்தில் இணைந்து நடிக்க இருப்பதாக தகவல் வெளியாகி உள்ளது.

ரஜினிகாந்த் நடிப்பில், நெல்சன் இயக்கத்தில், அனிருத் இசையில் உருவான ‘ஜெயிலர்’ திரைப்படத்தில் சிவராஜ்குமார், மோகன்லால் மற்றும் ஜாக்கி ஷெராப் ஆகிய மூன்று பிரபல நடிகர்கள் சிறப்பு தோற்றத்தில் நடித்திருந்தனர் என்பதும் இந்த மூன்று நடிகர்களும் வரும் காட்சிகள் மாஸாக இருந்தது என்பது தெரிந்ததே.

இந்த நிலையில் இவர்களில் ஒருவரான சிவராஜ்குமார் அடுத்ததாக கமல்ஹாசனின் படத்தில் நடிக்க இருப்பதாக தகவல் வெளியாகி உள்ளன. கமல்ஹாசன் நடிப்பில், எச் வினோத் இயக்கத்தில் உருவாக இருக்கும் ’கமல் 233’ படத்தில் சிவராஜ் குமார் ஒரு முக்கிய இடத்தில் நடிக்க இருப்பதாகவும் இது குறித்து அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது.

ஏற்கனவே தனுஷ் நடித்த ’கேப்டன் வில்லர்’ படத்தில் ஒரு முக்கிய கேரக்டரில் சிவராஜ்குமார் நடித்திருக்கும் நிலையில் அடுத்தடுத்து அவர் தமிழ் படங்களில் நடிப்பது பரபரப்பை ஏற்படுத்தி உள்ளது.