ஹீரோவான 'ஜெய்பீம்' நடிகர்.. இயக்குனர், நாயகி யார் யார் தெரியுமா?
- IndiaGlitz, [Wednesday,November 02 2022]
தமிழ் திரை உலகில் சூப்பர் ஹிட் ஆன படங்களில் ஒன்று ‘ஜெய்பீம்’ என்பதும் சூர்யா நடிப்பில் உருவான இந்த படம் கடந்த ஆண்டு வெளியாகி மிகப்பெரிய வெற்றி பெற்றது என்பதும் தெரிந்ததே.
இந்நிலையில் இந்த படத்தில் ராஜாக்கண்ணு என்ற போலீஸ் கஸ்டடியில் கொல்லப்படும் கேரக்டரில் நடித்து இருந்தவர் நடிகர் மணிகண்டன். ஏற்கனவே சூப்பர் ஸ்டார் ரஜினிகாந்த் நடித்த ’காலா’ உள்ளிட்ட ஒரு சில படங்களில் நடித்துள்ளார் என்பது குறிப்பிடத்தக்கது.
இந்த நிலையில் நடிகர் மணிகண்டன் தற்போது ஹீரோவாக ஒரு படத்தில் நடிக்க ஒப்பந்தமாகி உள்ளார். இயக்குனர் விநாயக் சந்திரசேகரன் இயக்கத்தில் உருவாக உள்ள திரைப்படத்தில் தான் அவர் ஹீரோவாக நடிக்க உள்ளார் என்பதும் இந்த படத்தில் நாயகியாக மேத்தா ரகுநாத் நடிக்க உள்ளனர். மேலும் இந்த படத்தில் ரமேஷ் திலக், பாலாஜி சக்திவேல், பகவதி பெருமாள் உள்ளிட்ட பலர் நடித்து வருகின்றனர்.
சீன் ரோல்டன் இசையில் உருவாகும் இந்த படத்திற்கு சேதுமாதவன் ஒளிப்பதிவும் பரத் விக்ரமன் படத்தொகுப்பும் செய்ய உள்ளனர். இந்த படம் குறித்து இயக்குனர் சந்திரசேகர் கூறியபோது ’இது ஒரு ரொமான்ஸ் காமெடி படம் என்றும் அதே நேரத்தில் எமோஷனல் அதிகம் இருக்கும் படம் என்றும் தெரிவித்துள்ளார். இந்த படத்தின் கதையை எழுதும்போதே இந்த படத்தின் ஹீரோவை மணிகண்டனை நான் முடிவு செய்து விட்டேன் என்றும் அவர் இந்த கேரக்டருக்கு சரியாக பொருந்துவார் என்றும் தெரிவித்துள்ளார்.
இந்த படத்தின் முதல்கட்ட படப்பிடிப்பு முடிந்துவிட்டதாகவும் அடுத்த கட்ட படப்பிடிப்பு சென்னை மற்றும் அதன் சுற்றுப்புறங்களில் விரைவில் தொடரும் என்றும் இயக்குனர் தெரிவித்துள்ளார்.