అమరావతిలో 'జై సింహా' పాటల వేడుక ?
- IndiaGlitz, [Friday,December 08 2017]
నటసింహ నందమూరి బాలకృష్ణ 102వ సినిమా జై సింహా'. ప్ర‌ముఖ త‌మిళ ద‌ర్శ‌కుడు కె.ఎస్.రవికుమార్ రూపొందిస్తున్న ఈ మూవీలో బాలయ్య రెండు విభిన్న పాత్రల్లో కనిపించ‌నున్నార‌ని వార్త‌లు వినిపిస్తున్నాయి. ఇటీవ‌లే ఈ సినిమా.. టాకీ పార్ట్ పూర్తి చేసుకుంది. ఇంకా రెండు పాటల చిత్రీక‌ర‌ణ మిగిలి ఉంది. త్వ‌ర‌లోనే వాటి చిత్రీక‌ర‌ణ పూర్త‌వుతుంది.
ఇదిలా ఉంటే.. ఈ సినిమా ఆడియో వేడుక‌కి చిత్ర యూనిట్ ముహుర్తం కూడా ఖ‌రారు చేసింద‌ని తెలిసింది. తాజా స‌మాచారం ప్ర‌కారం.. ఈ నెల 22న అమరావతిలో ఈ వేడుకను నిర్వహించనున్నార‌ని తెలిసింది. బాలయ్య కోసం మంచి మాస్ బీట్ పాటల్ని సిద్ధం చేసానని.. గతంలో ఈ సినిమా మ్యూజిక్ డైరెక్టర్ చిరంతన్ భట్ చెప్పారు.
మరి ఈ పాటలు శ్రోతలను ఏ మాత్రం అలరిస్తాయో చూడాలి. నయనతార, నటాషా దోషి, హరిప్రియ హీరోయిన్లుగా నటిస్తున్న ఈ సినిమాకి సి.కళ్యాణ్ నిర్మాత. సంక్రాంతి కానుకగా జనవరి 12న ఈ మూవీని విడుదల చేయడానికి చిత్ర యూనిట్ సన్నాహాలు చేస్తోంది.