ஜெய் நடிப்பில் சமீபத்தில் 'பலூன்' திரைப்படம் வெளியான நிலையில் தற்போது அவர் வெங்கட்பிரபு இயக்கி வரும் 'பார்ட்டி' படத்தில் நடித்து வருகிறார். மேலும் இவரது நடிப்பில் உருவாகியுள்ள 'கலகலப்பு 2 திரைப்படம் வரும் பிப்ரவரியில் வெளியாகவுள்ளது.

இந்த நிலையில் தற்போது ஜெய் நடிக்க ஒப்பந்தமாகியுள்ள புதிய படத்திற்கு 'மாங்கல்யம் தந்துனானே' என்ற டைட்டில் வைக்கப்பட்டுள்ளது. இந்த படத்தை ஷியாம் மற்றும் பிரவீன் இயக்கவுள்ளனர். ஜெய் ஜோடியாக 'குரங்கு பொம்மை' படத்தில் நடித்த டெல்னா டேவிஸ் நடிக்கவுள்ளார். இன்னொரு நாயகி விரைவில் அறிவிக்கப்படவுள்ளது.

மேலும் இந்த படத்தில் இசையமைக்க ஷான் ரஹ்மான் ஒப்பந்தமாகியுள்ளார். சமீபத்தில் இணையதளத்தை கலக்கிய 'ஜிமிக்கி கம்மல்' பாடலை கம்போஸ் செய்தவர் இவர் தான் என்பது குறிப்பிடத்தக்கது. இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் தேர்வு நடைபெற்று வருவதாகவும், விரைவில் இந்த படத்தின் தொடங்கும் என்றும் அறிவிக்கப்பட்டுள்ளது.