'జై లవకుశ' ఆడియో క్యాన్సిల్...
- IndiaGlitz, [Wednesday,August 30 2017]
ఎన్టీఆర్ హీరోగా బాబీ ద‌ర్శ‌క‌త్వంలో రూపొందుతున్న చిత్రం 'జై లవకుశ'. సినిమా నిర్మాణంంతో పాటు పోస్ట్ ప్రొడ‌క్ష‌న్ కార్య‌క్ర‌మాల‌ను శ‌ర‌వేగంగా జ‌రుపుకుంటుంది. సినిమాను సెప్టెంబర్ 21న విడుద‌ల చేయ‌డానికి నిర్మాత‌లు ప్లాన్స్ చేస్తున్నారు. ఈ సినిమా పాట‌ల‌ను ముందుగా సెప్టెంబర్ 3న విడుద‌ల చేయాల‌ని అనుకున్నారు.
కానీ గణేష్ నిమ‌జ్జ‌నం, భారీ వ‌ర్షాలు ప‌డుతుండ‌టం వంటి కార‌ణాల‌తో ఆడియో వేడుక‌ను క్యాన్సిల్ చేసుకున్నార‌ట. అయితే సినిమా విడుద‌ల‌కు ముందు ప్రీ రిలీజ్ ఫంక్ష‌న్‌ను ఏర్పాటు చేసి థియేట్రిక‌ల్ ట్రైల‌ర్‌ను విడుద‌ల చేస్తామ‌ని నిర్మాణ సంస్థ ఎన్టీఆర్ ఆర్ట్స్ అధికార‌కంగా సోష‌ల్ మీడియా ద్వారా వెల్ల‌డించింది. ఈ సినిమాలో ఎన్టీఆర్ త్రిపాత్రాభిన‌యం చేస్తున్నారు. నంద‌మూరి క‌ల్యాణ్ రామ్ నిర్మాత.