நடிகர் ஜெய் நடிப்பில் சமீபத்தில் வெளியான பலூன் மற்றும் கலகலப்பு 2' ஆகிய இரண்டு படங்களும் நல்ல வரவேற்பை பெற்று வரும் நிலையில் அவர் தற்போது 'நீயா 2' என்ற படத்தில் நடித்து வருகிறார். இந்த படத்தை 'எத்தன்' படத்தை இயக்கிய சுரேஷ் இயக்கி வருகிறார்

இந்த படத்தில் ஜெய்க்கு ஜோடியாக வரலட்சுமி சரத்குமார், கேதரின் தெரசா ஆகியோர் நடித்து வரும் நிலையில் தற்போது ராய்லட்சுமியும் இணைந்துள்ளார். ஜெய், ராய்லட்சுமி இருவரும் 'வாமனன்' படத்தில் ஏற்கனவே இணைந்து நடித்துள்ளனர் என்பது குறிப்பிடத்தக்கது. இந்த தகவலை ராய்லட்சுமி தனது சமூக வலைத்தளத்தில் உறுதி செய்துள்ளார்.

கடந்த சில வருடங்களாக தமிழில் இரண்டாம் பாக படங்கள் அதிகம் தயாராகி வரும் நிலையில் 1979ஆம் ஆண்டு கமல், ஸ்ரீப்ரியா நடித்த 'நீயா' படத்தின் இரண்டாம் பாகமாக 'நீயா 2' திரைப்படம் தற்போது தயாராகி வருகிறது. இருப்பினும் இச்சாதாரி பாம்பு ஒன்று பழிவாங்கும் முதல் பாகத்தின் கதைதான் இந்த இரண்டாம் பாகத்திலும் இருக்குமா? அல்லது இந்த படம் முற்றிலும் வேறு கதையம்சம் கொண்டதா? என்பதை பொறுத்திருந்து பார்ப்போம்