జ‌గ్గుభాయ్..అదేనండి జ‌గ‌ప‌తి బాబు ఇటీవ‌ల నాన్న‌కు ప్రేమ‌తో...సినిమాలో న‌టించి ప్ర‌శంస‌లందుకున్నవిష‌యం తెలిసిందే. క‌థానాయ‌కుడు కాస్త ప్ర‌తినాయ‌కుడుగా మారిన‌ప్ప‌టి నుంచి బిజీ అయిన జ‌గప‌తి తెలుగులోనే కాదు త‌మిళ్ లో విజ‌య్ చిత్రంలోనూ విల‌న్ గా న‌టించేందుకు రెడీ అవుతున్నారు. మ‌రో ప‌క్క మ‌ల‌యాళంలో కూడా మోహ‌న్ లాల్ న‌టించే సినిమాలో ఓ డిఫ‌రెంట్ రోల్ చేస్తున్నార‌ట జ‌గ‌ప‌తి.

ఇదిలా ఉంటే...తాజాగా తెలుగులో ఇప్ప‌టి వ‌ర‌కు చేయ‌ని పాత్ర‌లో న‌టించేందుకు జ‌గ‌ప‌తి బాబు గ్రీన్ సిగ్న‌ల్ ఇచ్చార‌ట‌. ఇంత‌కీ జ‌గ్గుభాయ్ ఇప్ప‌టి వ‌ర‌కు చేయ‌ని పాత్ర ఏమిట‌బ్బా అని ఆలోచిస్తున్నారా...హీరోయిన్ ఇషా కి తండ్రిగా న‌టిస్తుండ‌డంతో పాటు దెయ్యంగా న‌టిస్తున్నాడ‌ట‌. నూత‌న ద‌ర్శ‌కుడైన‌ప్ప‌టికీ సుధాక‌ర్ చెప్పిన క‌థ‌, త‌న పాత్ర న‌చ్చ‌డంతో ఓకె చెప్పాడ‌ట‌. ఈ చిత్రం ఇప్ప‌టికే దాదాపు యాభై శాతం షూటింగ్ పూర్తి చేసుకుంది. ఈ సినిమా షూటింగ్ లో జ‌గ‌ప‌తి త్వ‌ర‌లోనే పాల్గొంటార‌ట‌. మ‌రి..జ‌గ్గుభాయ్ దెయ్యం పాత్ర‌లో ఎలా భ‌య‌ప‌డెతాడో చూడాలి.