తేజు తండ్రిగా జగపతి..
- IndiaGlitz, [Wednesday,June 15 2016]
లెజెండ్ సినిమాతో రూటు మార్చి విల‌న్ గా న‌టించిన జ‌గ‌ప‌తిబాబు వైవిధ్య‌మైన పాత్ర‌లు చేస్తూ...అంద‌ర్ని అల‌రిస్తున్నాడు. స‌రైన స‌మ‌యంలో స‌రైన నిర్ణ‌యం తీసుకుని విల‌న్ గా న‌టించి.. మెప్పించి.. అంద‌రి అభినంద‌న‌లు అందుకున్నాడు. లెజెండ్ త‌ర్వాత పిల్లా నువ్వు లేని జీవితం, శ్రీమంతుడు, నాన్న‌కు ప్రేమ‌తో...ఇలా విజ‌య‌వంత‌మైన చిత్రాల్లో విభిన్న‌పాత్ర‌లు పోషించాడు. దీంతో ఒక్క తెలుగులోనే కాదు..త‌మిళ్, క‌న్న‌డ, మ‌ల‌యాళ భాష‌ల్లో కూడా న‌టిస్తూ ఫుల్ బిజీ అయిపోయాడు జగపతి.
మెగాస్టార్ మేన‌ల్లుడు సాయిధ‌ర‌మ్ తేజ్ న‌టించిన పిల్లానువ్వు లేని జీవితం చిత్రంలో న‌టించిన జగపతి మ‌ళ్లీ ఇప్పుడు తేజు చిత్రంలో న‌టిస్తున్నాడ‌ట. తేజు ప్ర‌స్తుతం తిక్క సినిమాలో న‌టిస్తున్నాడు. ఈ సినిమా త‌ర్వాత గోపీచంద్ మ‌లినేని ద‌ర్శ‌క‌త్వంలో తేజు న‌టిస్తున్నాడు. ఈ చిత్రంలో తేజు తండ్రిగా జగపతి బాబు న‌టిస్తున్నాడ‌ట. ఈ పాత్ర ఈ చిత్రానికి చాలా ముఖ్య‌మైన పాత్ర అట. అందుక‌నే పాత్ర న‌చ్చ‌డంతో జగపతి ఓకే చెప్పాడ‌ట.