యంగ్ టైగర్ ఎన్టీఆర్, బాలీవుడ్ భామ పూజా హెగ్డే జంటగా ఓ సినిమా తెరకెక్కబోతున్న సంగ‌తి తెలిసిందే. మాటల మాంత్రికుడు త్రివిక్రమ్ శ్రీనివాస్ దర్శకత్వం వహిస్తున్నారు. హారికా అండ్ హాసిని క్రియేష‌న్స్ ప‌తాకంపై ఎస్.రాధాకృష్ణ ఈ సినిమాని నిర్మిస్తున్నారు. ఈ కుటుంబ కథా చిత్రానికి తమన్ స్వరాలు సమకూరుస్తున్నారు.

ఇదిలా ఉంటే.. ఈ సినిమాలో సీనియర్ నటుడు జగపతి బాబు కీలకపాత్రలో నటిస్తున్నారని సమాచారం. హీరోయిన్‌కి తండ్రిగా.. ప్రతినాయక ఛాయలున్న పాత్రలో ఆయ‌న కనిపిస్తున్నారని తెలుస్తోంది. గతంలో ఎన్టీఆర్ నటించిన 'నాన్నకు ప్రేమతో' సినిమాలో కూడా హీరోయిన్ తండ్రిగా ప్రతినాయక పాత్రలో నటించి మెప్పించారు జగపతి బాబు.

మళ్ళీ ఈ చిత్రంలో అటువంటి పాత్రనే వైవిధ్యంగా చేయనున్నారేమో చూడాలి.  ఇప్ప‌టికే.. ఈ సినిమాలో  ఫిట్‌గా కనిపించడం కోసం  ఎన్టీఆర్ ప్రత్యేకంగా కసరత్తులు చేస్తున్న విషయం తెలిసిందే.  ఏప్రిల్ 12 నుంచి సెట్స్ పైకి వెళ్లనున్న ఈ చిత్రం.. దసరా కానుకగా ప్రేక్షకుల ముందుకు రానుంది.